Ֆուտբոլիստ Կրիշտիանու Ռոնալդուն ներդրումներ է կատարել ռուսական ծագմամբ բրիտանական MedTech ստարտափում՝ Bioniq-ում։ Այս մասին գրում է forbes-ը։
Ներդրումների չափը չի բացահայտվում։ Դրանք կօգտագործվեն ԱՄՆ-ում, Եվրոպայում և Մերձավոր Արևելքում բիզնեսը ընդլայնելու համար։
Գործարքի արդյունքում ընկերության արժևորումը հասցվել է 82 միլիոն դոլարի։
Ընկերությունը հիմնադրվել է 2019 թվականին «Գազպրոմ Մեդիա»-ի նախկին գործադիր տնօրեն Վադիմ Ֆեդոտովի և նյարդավիրաբույժ Կոնստանտին Կարուզինի կողմից։ Կենտրոնակայանը Լոնդոնում է։
Bioniq-ը արտադրում է անհատական սննդային հավելումներ՝ հիմնվելով հաճախորդի արյան թեստի վրա և բաժանորդագրության միջոցով առաջարկում է անհատականացված առողջապահական լուծումներ՝ վիտամինների համալիր, սնուցման և վարժությունների ծրագիր և բժշկի առաջարկություններ:
Ընկերությունն իր արտադրանքը վաճառում է ավելի քան 70 երկրներում, իսկ հաճախորդների թիվը 2024 թվականին աճել է մոտավորապես հինգ անգամ։ Crunchbase-ի տվյալներով՝ Bioniq-ում ներդրվել է ընդհանուր առմամբ 30,3 միլիոն դոլար՝ դրա մեկնարկից ի վեր:
Բաժանորդագրվեք մեր ալիքին Telegram-ում
