«Բեքբոն բրենդինգ» ընկերությունը, որ աշխարհի դիզայներական 20 լավագույն կազմակերպությունների թվում 4-րդն է, հոկտեմբերի 25 -ին Լոնդոնում մասնակցում է դիզայնի ոլորտի օսկարը համարվող Pentawards մրցանակաբաշխությանը: Այս տարի մրցույթի 26 անվանակարգում «Բեքբոն բրենդինգ»-ը հանդես է գալիս 16 աշխատանքով:
Հանրահայտ այս մրցույթի շրջանակում դիզայնի ոլորտում մեծ հեղինակություն վայելող ժյուրիի 50 անդամի գնահատականին է ներկայացվելու ավելի քան 2000 աշխատանք՝ աշխարհի շուրջ 60 երկրից: Ժյուրիի կազմում են միջազգային հայտնի ընկերությունների՝ Microsoft, Pentagram, PUMA, Heineken, Nestle,Estée Lauder և այլն, դիզայն բաժինների ղեկավար կազմերը ներկայացնող հեղինակություններ:
2009թ. սկսած՝ Բեքբոն բրենդինգը մատուցում է դիզայնի և բրենդինգի ծառայություններ հայկական և միջազգային շուկայի տարբեր ոլորտների հայտնի ընկերությունների՝ «Royal Armenia», «Grand Candy», «Spayka», «Galaxy Group», «Time», «Dalma», «Sis Natural», «Ani», «MBG», «Tak makaron», «Al Rumaiti» և այլն:
«Մենք ձգտում ենք միջազգային օբյեկտիվ, արդար, չափելի, մասնագիտական գնահատականի ու ճանաչման: Մասնակցությունը Pentawards մրցանակաբաշխությանը տալիս է այդ հնարավորությունը, իսկ հաղթող աշխատանքները մեծ ճանաչում են ձեռք բերում. միլիոնավոր մարդիկ, մասնագետներ, ինֆլյուենսերներ, բլոգերներ, փորձագետներ դիտում են ու տարածում հաղթած պրոդուկտները միջազգային տարբեր հարթակներում, ինչը հանգեցնում է տվյալ դիզայնի ու բրենդի հաջողությանն ամբողջ աշխարհում և անշոշափելի արժեք է հաղորդում տվյալ ապրանքանիշին: Բեքբոն բրենդինգը ջանք ու եռանդ չի խնայում չեմպիոնի տիտղոսը նվաճելու, ամրապնդելու համար, և դա ինքնանպատակ չէ, քանի որ մեր հաղթանակով մենք առաջ ենք մղում մեր կերտած բրենդերը՝ դարձնելով դրանք առաջատար: Արդյունքում, տեղական ու միջազգային շուկաների դիստրիբյուտորները հնարավորություն ունեն ձեռք բերելու ապրանքանիշ, որն արդեն ունի հաջողություն և ճանաչում»,-ասում է ընկերության հիմնադիր Ստեփան Ազարյանը: Նրա խոսքով՝ մասնակցությունը նման հեղինակավոր մրցույթներին միջազգային շուկայի միտումներն ու զարգացումները հասկանալու հնարավորություն է տալիս, ինչն ավելի է մեծացնում հետագայում հաջողության ունենալու շանսերը: «Գրագետ դիզայնը բիզնեսի հաջողության կարևոր գրավական է, ինչն իր հերթին ազդակ ու խթան է տնտեսական աճի ապահովման համար»,-համոզված է Ս.Ազարյանը։
Ուշագրավ է, որ Բեքբոն բրենդինգը միջազգային ամենահեղինակավոր մրցույթներում (“Pentawards”, “Red Dot”, “ADesign”, “ADC”, “Muse Award”, “Dieline”) արժանացել է ավելի քան 170 մրցանակի: 2 տարի անընդմեջ ճանաչվելով է Pentawards-ի Տարվա ընկերություն՝ մրցանակաբաշխության պատմության մեջ միակն է, որ ստացել է «Core Award» մրցանակը՝ դիզայնի գերազանցության մեջ եզակի ներդրում ունենալու համար:
***Backbonebranding ընկերության վերաբերյալ ավելին իմանալու համար այցելեք https://backbonebranding.com/ կամ գրեք info@backbonebranding.com էլեկտրոնային փոստին:
Հավելյալ տեղեկատվության համար կարող եք կապվել Հաղորդակցության և հանրային կապերի պատասխանատուին հետևյալ հեռախոսահամարով՝ +374 77 66 03 58 (Viber, WhatsApp, Telegram):