Մասնավոր հատվածից ներգրավված ավանդների ծավալներն աճել են երկնիշ թվով. ԻՆՖՈԳՐԱՖԻԿԱ

ՀՀ առևտրային բանկերի կողմից ներգրավված ավանդների բավարար ծավալների ապահովումը բանկային համակարգի նորմալ գործունեության երաշխիքն է։

2024թ․ օգոստոսին ՀՀ առևտրային բանկերի կողմից ներգրավվել է Դ 5․9 տրլն ավանդ։ Այս ծավալները 2024թ․ հուլիսի համեմատ աճել են 0․3%-ով, իսկ 2023թ օգոստոսի համեմատ` շուրջ 11%-ով։

Սակայն ավանդներին անդրադառնալիս գրեթե միշտ ուշադրության կենտրոնում են հայտնվում տնային տնտեսություններից ներգրավված ավանդների ծավալները։

ՀՀ բանկերը կրկին 1000 խոշոր հարկ վճարողների ցանկում են. Ո՞ր բանկն է առաջատարը. ԻՆՖՈԳՐԱՖԻԿԱ

Այդուհանդերձ, կարևոր է նաև հիշել ձեռնարկություններից ներգրավված ավանդների մասին։ Ընդ որում՝ ձեռնարկություններից ներգրավված ավանդների ծավալները կազմում են ներգրավված ավանդների ընդհանուր ծավալի 23%-ը․

Վիճակագրական տվյալները փաստում են, որ ձեռնարկություններից ներգրավված ավանդների ծավալները 2024թ․ օգոստոսին նախորդ ամսվա համեմատ աճել են 6%-ով, իսկ նախորդ տարվա նույն ամսվա համեմատ՝ 17%-ով՝ կազմելով Դ1․4 տրլն։ Այս ծավալների 66%-ը` դրամով, իսկ 34%-ը՝ արտարժույթով ավանդներն են։

Նկատենք, որ ձեռնարկություններից ներգրավված դրամով ավանդների ծավալները 2024թ․ օգոստոսին նախորդ տարվա օգոստոսի համեմատ աճել են 16%-ով, իսկ արտարժույթով ավանդների ծավալները՝ 19%-ով։

2024թ․ օգոստոսի դրությամբ ձեռնարկություններից ներգրավված ավանդների ծավալների 96%-ը պատկանում է մասնավոր, իսկ 4%-ը` պետական ընկերություններին։ Ընդ որում՝ 2024թ․ օգոստոսին 2023թ․ օգոստոսի համեմատ մասնավոր հատվածից ներգրավված ավանդների ծավալներն աճել են 19%-ով, իսկ պետական ընկերություններից ներգրավված ավանդների ծավալները նվազել են 18%-ով։