Telegram-ը նոր հնարավորություն ունի

Telegram-ը գործարկել է ընկերությունների համար հաճախորդների հեռախոսահամարները նույնականացնելու հնարավորություն։

Այս մասին հայտնել է Telegram-ի հիմնադիր Պավել Դուրովը։

«Telegram-ը գործարկել է իր հաճախորդների հեռախոսահամարների իսկությունը ստուգելու ամենամատչելի միջոցը՝ ընդամենը 0,01 դոլար մեկ ծածկագրի համար աշխարհի ցանկացած կետում: Այժմ ձեռնարկությունները կարող են խնայել միլիոններ՝ ուղարկելով հաստատման կոդերը իրենց օգտատերերին՝ անմիջապես Telegram-ի միջոցով: Այս մեթոդը շատ ավելի էժան, արագ և անվտանգ է, քան ավանդական SMS ստուգումը: Մենք այն անվանում ենք Telegram Gateway:  Միայն Telegram-ը ամսական մոտ 10 միլիոն դոլար է ծախսում բոլոր օգտատերերի իսկությունը հաստատելու համար, ովքեր գրանցվում և մուտք են գործում մեր ծառայություն: Մենք այս ներդրումներն արել ենք, որպեսզի ուրիշները ստիպված չլինեն դրանք անել: Քանի որ մենք արդեն ստուգել ենք գրեթե մեկ միլիարդ մարդու հեռախոսահամարները, մյուս ընկերությունները կարող են խուսափել ստուգման բարձր ծախսերից»,- գրել է Դուրովը։