Yandex Market-ը սկսել է անօդաչու առաքման մեքենաների փորձարկումը։
Ընկերության մամուլի ծառայությունից Forbes-ին հայտնել են, որ Yandex ինքնավար բեռնատարն արդեն կատարել է Մոսկվայից Տուլա բեռների առաջին առաքումը` M-4 Don մայրուղու երկայնքով։ Ընկերությունը կարծում է, որ անօդաչու բեռնատարների ներդրումը կլուծի վարորդների պակասի խնդիրը, կբարձրացնի բեռնափոխադրումների արդյունավետությունը և կապահովի ճանապարհային անվտանգությունը։
Ինքնավար տրանսպորտի ներդրումը նպատակ ունի լուծել վարորդների պակասի խնդիրը, ապահովել ճանապարհային անվտանգությունը, ինչպես նաև բարձրացնել բեռնափոխադրումների արդյունավետությունը. կարծում են ընկերությունում։
Ինչպես նշվում է մամուլի ծառայությունում, բեռնատարը մշակվել է չինական Shacman X6000-ի հարթակում Yandex-ի ինքնավար տրանսպորտային ստորաբաժանման կողմից, որը նաև ստեղծում է ռոբոտ առաքիչներ:
Տարեսկզբին Yandex-ը սկսեց փնտրել ինժեներներ՝ հինգերորդ սերնդի ինքնավար մեքենաները Չինաստանում շահագործելու համար։ Ընկերությունը 2020 թվականին ներկայացրել է ռոբոտաքսիների չորրորդ սերունդը՝ հիմնված Hyundai Sonata-ի վրա։
Հունիսի կեսերին ընկերությանը մոտ կանգնած աղբյուրը Forbes-ին պատմել է Yandex-ի՝ ինքնակառավարվող մեքենաների և առաքման ռոբոտների համար առանձին Autonomous Transport ապրանքանիշ ստեղծելու ծրագրերի մասին։
«Յանդեքսի բոլոր նախագծերը՝ կապված անօդաչու մեքենաների և առաքման ռոբոտների հետ, նախատեսվում է մշակել մեկ ուղղությամբ՝ Autonomous Transport ապրանքանիշի ներքո», – ասաց զրուցակիցը։
