Հանրային ծառայությունները կարգավորող հանձնաժողովի նախագահ Գարեգին Բաղրամյանը հրաժարական է տվել, այս մասին Banksnews.am-ին հայտնեց ՀԾԿՀ խոսնակ Լիաննա Ազիզյանը:
Բաղրամյանի հրաժարականի պատճառների վերաբերյալ հարցին խոսնակը չպատասխանեց:
Նշենք, որ ՀԾԿՀ նախագահի պաշտոնն զբաղեցնում է 2019-ի ապրիլից։ Պաշտոնում վերընտրվել էր 2024թ․ փետրվարին։
Հիշեցնենք, որ երեկ կառավարությունում Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել են էլեկտրաէներգիայի մատակարարման որակի հետ կապված խնդիրներն ու դրանց լուծման հնարավորությունները:
Պատասխանատուները ներկայացրել են առկա իրավիճակը, խնդիրների լուծման շուրջ հնարավոր քայլերն ու լուծումները:
Վարչապետը պատասխանատուներին տվել է հստակ հանձնարարականներ:
Բաժանորդագրվեք մեր ալիքին Telegram-ում
