Ծառայությունների արտահանման մասշտաբներն աշխարհում. ԻՆՖՈԳՐԱՖԻԿԱ

Համաշխարհային առևտուրը ծանր օրեր է ապրում։ Երկկողմանի սահմանափակումներն այնքան են շատացել, որ թույլ չեն տալիս համաշխարհային տնտեսությունը գործի իր ամբողջ ուժով։

Սակայն առևտուրը թևակոխել է իր զարգացման բարձր տեխնոլոգիական շրջան, որտեղ ավանդական առևտրին զուգահեռ զարգանում է ոչ ավանդականը։

Վարսավիրական ծառայությունները, կրթությունը և տրանսպորտի ապահովագրությունը թանկացել են. ինչո՞վ է պայմանավորված գնաճը

Այստեղ զգալի դերակատարում է սկսել ձեռք բերել ծառայությունների ոլորտը։ 2023թ․ դրությամբ Համաշխարհային արտահանման ընդհանուր ծավալներում  ծառայությունների արտահանման ծավալների մասնաբաժինը կազմել է 25%։ Վերջինս ներկայիս գերլարված աշխարհաքաղաքական իրավիճակում միայն աճման միտում է ունենալու։

Հետաքրքիր է ուսումնասիրել այն երկրների ցանկը, որոնց արտահանման ծավալները զգալի կախվածություն ունեն ծառայությունների արտահանման ծավալներից․

Առաջին հորիզոնականում է հայտնվել Լյուքսեմբուրգը, որի արտահանման ընդհանուր ծավալներում ծառայությունների արտահանման ծավալները 2023թ․ կազմել է 90%:

Երկրորդ հորիզոնականում է հայտնվել Մալթան արտահնման ծավալներում ծառայությունների ծավալների 88% մասնաբաժնով։

Երրորդ տեղում է Բահամները 86% մասնաբաժնով։ Բերված ցուցակը եզրափակում է 7-րդ հորիզոնականում հայտնված Ճամայկան արտահանման ընդհանուր ծավալներում ծառայությունների արտահանման ծավալների 71% մասնաբաժնով։