Որո՞նք են սեպտեմբերի ամենահզոր սմարթֆոնները

Android սմարթֆոնների սեպտեմբեր ամսվա վարկանիշի առաջատարը խաղային Red Magic 9S Pro+-ն է, որը հավաքել է 2,14 մլն միավոր AnTuTu-ի թեստերում։ Այս մոդելի կատարողականի համար պատասխանատու է Snapdragon 8 Gen 3 չիպի հզորացված տարբերակը։

Երկրորդ տեղը զբաղեցրել է խաղային Asus ROG Phone 8 Pro-ն (2,08 մլն միավոր), որն աշխատում է Snapdragon 8 Gen 3 պրոցեսորով: Լավագույն եռյակը եզրափակում է Redmi K70 Extreme Edition-ը (2,06 մլն միավոր), որն ունի MediaTek Dimensity 9300+ չիպ։

Չորրորդից վեցերորդ տեղերում են iQOO Neo9S Pro+-ը (2,05 մլն միավոր) Dimensity 9300+ չիպով, iQOO Neo9S Pro-ն (2,05 մլն միավոր) և iQOO Z9 Turbo+ (2,04 մլն միավոր)՝ վերջին երկուսն աշխատում են Dimensity 9300+ պրոցեսորով:

Նրանց հաջորդում են iQOO 12-ը (2,01 մլն միավոր)՝ Snapdragon 8 Gen 3 չիպով, Vivo X100-ը (2,01 մլն միավոր)՝ Dimensity 9300 չիպով և OnePlus 12-ը (2 մլն միավոր)՝ Snapdragon 8 Gen 3 պրոցեսորով: Ցանկը եզրափակում է OnePlus Ace 3 Pro-ն, որն ստացել է միջինը 2 միլիոն միավոր և աշխատում է Snapdragon 8 Gen 3 չիպով:

Նշվում է, որ վարկանիշային աղյուսակում ներառվել են չինական շուկայում պաշտոնապես ներկայացված սարքերը։ Ուսումնասիրությունն անցկացվել է 2024-ի սեպտեմբերի 1-ից մինչև սեպտեմբերի 30-ը։