Սեպտեմբերի 26-ին Հարավային Կորեայի խորհրդարանն ընդունել է օրինագիծ, որը քրեականացնում է սեքսուալ բնույթի բովանդակությամբ դիփֆեյք պարունակող տեսանյութերի կամ պատկերների տարածումը, պահպանումը և դիտումը:
Օրենքը խախտողները կարող են դատապարտվել մինչև երեք տարվա ազատազրկման կամ մինչև 30 միլիոն վոնի (22,6 հազար դոլար) տուգանքի։ Նման բովանդակության ստեղծումն արդեն պատժվում է մինչև հինգ տարվա ազատազրկմամբ կամ տուգանքով։ Որպեսզի գործող օրենքն ուժի մեջ մտնի, այն պետք է ստորագրի Հարավային Կորեայի նախագահ Յուն Սեոկ Յոլը։
Yonhap լրատվական գործակալության փոխանցմամբ՝ տարեսկզբից հարավկորեական ոստիկանությունը ստացել է ավելի քան 800 դիմում, որոնցում մեղադրանքներ են դիփֆեյք ստեղծելու մեջ։
Հաղորդվում է, որ Telegram մեսենջերը չաթեր ունի ավելի քան 200 հազար մասնակիցներով, որտեղ նման բովանդակություն է տարածվում։
Հարավային Կորեայում մեսենջերի դեմ արդեն հետաքննություն է սկսվել՝ նրան մեղադրում անբավարար մոդերացիայի պատճառով նման բովանդակության տարածման ներգրավվածության մեջ։
Բաժանորդագրվեք մեր ալիքին Telegram-ում
