Գողացել են «WhatsApp» հաշիվներ, շատերը չեն կարողանում մուտք գործել Facebook: Այս մասին իր ֆեյսբուքյան էջում գրում է Սամվել Մարտիրոսյանը:
Գրառումը ներկայացնում ենք ստորև.
«Այս պահին շատերի մոտից բացարձակ առանց իրենց կողմից ինչ-որ բան անելու գողացել են WhatsApp հաշիվները։
Բացի դրանից, շատերը չեն կարողանում մտնել «Ֆեյսբուք», քանի որ երկփուլայինի ՍՄՍ-ը չի գալիս»:
Այս մասին իր էջում գրել է տեղեկատվական անվտանգության փորձագետ Սամվել Մարտիրոսյանը՝ շարունակելով.
«Բոլոր նման խնդիրները խնդրում եմ ինձ ուղարկեն իրենց համարը – Վոթսափի խնդրի դեպքում, եւ Ֆեյսբուքի պրոֆիլի հղումը – ինչ-որ մի ընկերոջ միջոցով։
Կփորձեմ անմիջապես «Մետա»-ին ուղարկել տվյալները, փորձենք ձեզ վերականգնել։
Մի քիչ ուշոտ մանրամասն տեսանյութ կսարքեմ, թե ոնց խուսափել այս դեպքերից»:
