Ժամանակից աշխարհի առջև ծառացած մարտահրավերներից են Էկոլոգիական խնդիրները, մասնավորապես` արտադրական թափոնները, որոնք շատ ավելի արագ են աճում, քան տնտեսությունները՝ մեծ վնաս հասցնելով երկիր մոլորակին։
Ներկայումս տեխնոլոգիաները թույլ են տվել ստեղծել արտադրական թափոնների շուկա, որտեղ դրանք գնվում և վաճառվում են հետագա վերամշակման նպատակով։
Հայաստանում արտադրական թափոնների ծավալների մասով առկա է հետևյալ վիճակագրությունը․
Վիճակագրական կոմիտեի տվյալների համաձայն՝ Հայաստանում 2023թ․ ընթացքում առաջացել է մոտ 58 մլն տոննա արտադրական թափոն։ Վերջինիս ծավալը 2022թ․ համեմատ նվազել է մոտ 36%-ով։
Արտադրական թափոնների 84%-ը բաժին է ընկնում Սյունիքի մարզին։
8%-ին մոտ մասնաբաժին ունեն Գեղարքունիքի և Լոռու մարզերը։ Փաստացի ստացվում է, որ Հայաստանի մեկ բնակչի հաշվով արտադրական թափոնների ծավալը կազմում է 19,688 կգ։ Միևնույն ժամանակ, Սյունիքի մարզում 1 բնակչին բաժին ընկնող թափոնների ծավալը կազմել է 423,530 կգ։
Վիճակագրական տվյալների համաձայն՝ Հայաստանում համայնքային աղբավայրեր տեղափոխված կոշտ կենցաղային թափոնների քանակը կազմել է 430,340 տոննա։ Վերջինս 2022թ․ համեմատ նվազել է 19%-ով։
Այս ծավալներում Երևանի մասնաբաժինը կազմում է 67%։
Բաժանորդագրվեք մեր ալիքին Telegram-ում
