«Mastercard»-ը հայտարարել է իր գործընկեր բանկերի համար «Crypto Card» ծրագրի մեկնարկի մասին։
Crypto Card-ի թողարկումը կիրականացվի «Mastercard Crypto Credential»-ի սեփական ծրագրային համալիրի հիման վրա:
Ընկերությունը մտադիր է շուկա թողարկել նոր վճարային գործիք, որը թույլ է տալիս կատարել ծախսեր և վճարել թվային ակտիվների հետ կապված գնումների համար։
Քարտի շահագործումը թույլ կտա կապել օգտագործողի կրիպտո դրամապանակը «Mastercard» վճարային համակարգի հետ: Դրա շնորհիվ կրիպտոակտիվների սեփականատերը կկարողանա օգտագործել իր միջոցները գնումներ կատարելու համար աշխարհի բոլոր այն կետերում, որտեղ ընդունվում են այս համակարգի վճարային քարտերը:
Փաստորեն, ձևավորվում է թվային դրամապանակ, որը միացված է միջազգային վճարային համակարգին:
Mastercard-ի ներկայացուցիչը նշել է, որ դրամապանակի հնարավորությունները թույլ կտան հաճախորդներին ինքնուրույն համալրել քարտի հաշվեկշիռը եւ կառավարել իրենց սեփական կրիպտո դրամապանակները:
Հաղորդվում է, որ «Crypto Card» ծրագիրն իրականացվում է կրիպտո ծառայությունների մատակարար Tap Global-ի, կրիպտոկրեդիտոր Nexo-ի և թվային ակտիվների փոխանակման Gemini բորսայի աջակցությամբ:
Բաժանորդագրվեք մեր ալիքին Telegram-ում
