Wildberries-ի համահիմնադիր Վլադիսլավ Բակալչուկն, որը նաև Ռուսաստանի ամենահարուստ կնոջ ամուսինն է, ազատ է արձակվել։
Նրա ընթացակարգային կարգավիճակը հայտնի չէ։ Նախօրեին Բակալչուկին մեղադրանք է առաջադրվել սպանության, սպանության փորձի, իրավապահ մարմինների աշխատակցի դեմ մահափորձի և կամայականության մեջ՝ Wildberries գրասենյակի մոտ տեղի ունեցած կրակոցից հետո, որի հետևանքով երկու մարդ է զոհվել։
Վլադիսլավ Բակալչուկը սեպտեմբերի 20-ի երեկոյան իր Telegram ալիքում տեսանյութ է հրապարակել, որում ասում է, որ տանն է։
«Ես տանն եմ։ Ես ցնցված եմ։ Բայց Ճշմարտությունն իմ կողմից է: Թող արդարությունը հաղթի!!!»,- գրել է նա։
Նախօրեին՝ սեպտեմբերի 19-ին, գործարարին մեղադրանք է առաջադրվել Քրեական օրենսգրքի չորս հոդվածներով, որոնցից մեկը սպանությունն է, Forbes-ին հայտնել են գործարարի փաստաբանները։ Վլադիսլավ Բակալչուկի դատավարական կարգավիճակն անհայտ է։
«Խորապես ափսոսում եմ, որ իրավիճակը խաղաղ ճանապարհով կարգավորելու և Տատյանայի [Բակալչուկի] հետ սեփական ընկերության գրասենյակում հանդիպելու իմ փորձը սադրանքի պատճառով վերածվեց ողբերգության», – գրել է ձեռնարկատերը։
Բակալչուկը նշել է, որ մի քանի ամիս շարունակ փորձել է կապ հաստատել Տատյանա Բակալչուկի հետ և «հանգիստ խոսել», սակայն իրեն «անտեսել են»։ «Տատյանա, իսկապե՞ս չգիտեիր իմ դեմ նախապատրաստվող զինված սադրանքի մասին։ Կամ Միրզոյան եղբայրները, որոնց հետ դուք կապվել եք և ուղղակի տվել եք մեր Wildberries ընկերության բաժնետոմսերի 35%-ը, հարկ չհամարեցի՞ք տեղեկացնել, որ նրանք մահափորձ էին նախապատրաստում։ Նա նշեց, որ Wildberries-ն այժմ «շատ խնդիրներ ունի»։
«Մեր ընկերությունը պարզապես գողանում են ձեր նոր «գործընկերները»՝ Միրզոյան եղբայրները՝ Բեխան Բարախոևի և Սուլեյման Քերիմովի հովանավորությամբ»,- եզրափակեց ձեռներեցը։
