Ավանդույթների պահպանումն ազգերի հարատևության կարևորագույն գործոններից է։ Կան երկրներ, որոնք ավանդույթները պահպանում են նաև տնտեսությունում։
Տնտեսության տարբեր վերելքների և վայրէջքների փուլերում ավանդույթների պահպանումը մեծ կամք և պատրաստակամություն է պահանջում։
Կան երկրներ, որտեղ, օրինակ, արժույթը ստեղծվել է դարեր առաջ, սակայն մինչև հիմա էլ դրանք շարունակում են գործածության մեջ մնալ․
Վիճակագրական տվյալները փաստում են, որ բոլորիս հայտնի բրիտանական ֆունտը ստեղծվել է 8-րդ դարում և շրջանառվում է նաև 21-րդ դարում։ Բավականին ամուր արժույթ է։
Սերբիական դինարը շրջանառության մեջ է մտել դեռևս 1214թ․։
13-րդ դարից շրջանառվում է ռուսական ռուբլին։ Վերջինս Հայաստանում ամենահայտնի արժույթների առաջին եռյակում է։
Մինչ օրս կիրառվող հին արժույթներից է նաև ամերիկյան դոլարը, որը դեռևս ռուս-ուկրաինական պատերազմից առաջ հսկայական ներկայություն ուներ համաշխարհային տնտեսությունում, սակայն ռուս-ուկրաինական պատերազմից հետո դոլարի մասնաբաժինն աշխարհում սկսել է նվազել։ Դոլարը շրջանառության մեջ է դրվել դեռևս 1785թ․։
Ամենահին արժույթների ներկայացված ցուցակն ավարտվում է ճապոնական իենով, որը շրջանառվում է սկսած 1871թ․-ից։
Բաժանորդագրվեք մեր ալիքին Telegram-ում
