Ո՞ր երկրներն են Ադրբեջանի ամենախոշոր առևտրային գործընկերները. ԻՆՖՈԳՐԱՖԻԿԱ

Իտալիայի իշխանությունները, հանուն ադրբեջանական նավթի ու գազի, պատրաստ են հարցականի տակ դնել բոլոր սկզբունքները։

Իտալիայում Ադրբեջանի բռնապետ Ալիևին վերջերս դիմավորեցին մեծ հանդիսավորությամբ։ Ադրբեջանի արտաքին առևտրում, ի դեպ, բացառիկ դերակատարում ունի Եվրամիության խոշորագույն տնտեսություններից մեկը`Իտալիան․

Վիճակագրական տվյալների համաձայն՝  Ադրբեջանի արտահանման ծավալները 2023թ․ կազմել են ＄33 մլրդ։ Վերջինս 2022թ, համեմատ կրճատվել է մոտ 11%-ով։

Ադրբեջանի արտահանման ծավալների 44%-ը պատկանում է Իտալիային, որը փաստացի հսկայական ֆինանսներով է ապահովում Ալիևի ռեժիմին։

Երկրորդ տեղում է Թուրքիան՝ 16% մասնաբաժնով։

Երրորդ հորիզոնականում են Իսրայելը, Ռուսաստանը, Հունաստանը և Հնդկաստանը մոտ 4% մասնաբաժնով։

Մյուս կողմում Ադրբեջանի ներմուծման ծավալներն են, որոնք 2023թ․ կազմել են մոտ ＄17 մլրդ։ Վերջինս 2022թ․ համեմատ աճել է մոտավորապես 18%-ով։

Ներմուծման այս ծավալներում մոտ 18% մասնաբաժին ունեն Իտալիան և Ռուսաստանը։

Երրորդ տեղում է Թուրքիան՝ 17% մասնաբաժնով։