«Մանչեսթեր Յունայթեդը» հայտարարել է 2021-22 մրցաշրջանի համար 115,5 միլիոն ֆունտ ստեռլինգի վնասի մասին, չնայած՝ եկամուտներն աճել են 18% ՝ մինչև 583,2 միլիոն ֆունտ: Հայտնում է BBC-ն։
Հունիսին իրենց ֆինանսական տարվա վերջը ներառող թվերը ցույց են տվել, որ կորուստները 2021 թվականի համեմատ աճել են 23,3 միլիոն ֆունտով: Ակումբի պարտքը նույնպես աճել է՝ 2021 թվականին 419,5 միլիոն ֆունտից այս տարի հասնելով 514,9 միլիոն ֆունտի՝ ավելի քան 22% աճ։
«Մեր ակումբի առաքելությունն է հաղթել ֆուտբոլային խաղերում և զվարճացնել մեր երկրպագուներին»,- ասել է գործադիր տնօրեն Ռիչարդ Առնոլդը:
Անցյալ ամառ խաղացողներ Կրիշտիանու Ռոնալդուի, Ջեյդոն Սանչոյի և Ռաֆայել Վարանի ձեռքբերման արդյունքում աշխատավարձը բարձրացավ 19,1%-ով՝ 61,6 մլն ֆունտ՝ հասնելով մինչև 384,2 մլն ֆունտ ստերլինգ: Այդ ցուցանիշն ամենաբարձրն է Պրեմիեր լիգայի պատմության մեջ։ Այն գերազանցում է «Մանչեսթեր Սիթիի» նախորդ՝ 355 միլիոն ֆունտ ստերլինգը:
- Գովազդ -
Մեկնաբանվում է, որ արդյունքների վրա բացասաբար են ազդել 2021 թվականի հուլիսին ամառային շրջագայության բացակայությունը, ավելացված կոմունալ ծախսերը, ֆունտ ստերլինգի նվազումը և տարբեր միջազգային գործոններ:
