Ադրբեջանի տնտեսության ամրապնդման մասին են վկայում երկրի համախառն միջազգային պահուստների ծավալները. ԻՆՖՈԳՐԱՖԻԿԱ

Ռուսատանի նախագահը, թողնելով Ռուսաստանի Կուրսկի մարզում զարգացող իրադարձությունները, շտապել է հանդիպել Ադրբեջանի բռնապետ Իլհամ Ալիևի հետ։ ՌԴ և Ադրբեջանի նախագահները երկկողմ հարաբերություններին առնչվող հարցերից զատ քննարկել են նաև Հարավային Կովկասում տիրող իրավիճակը։

Ինչպես նշում է Ալիևը, Հարավային Կովկասի բարգավաճման և անվտանգության միակ գործոնն Ադրբեջան-Ռուսաստան դաշնակցային հարաբերություններն են։ Իրապես, Ալիևն ամբողջությամբ տիրապետում է իրավիճակին։ Աստղերի լավ դասավորվածության շնորհիվ Ադրբեջանն ունեցավ հաղթանակ հայերի նկատմամբ, շատ լավ հարաբերություններ ունի Թուրքիայի և Ռուսաստանի հետ։  Բարիդրացիական հարաբերություններ ունի նաև Վրաստանի և Իրանի հետ։
Եվրոպան էլ ստանում է Ադրբեջանի գազը և նավթը։ Հետևաբար, Ալիևի արտահայտած մտքերն ամբողջությամբ տեղավորվում են տարածաշրջանում ձևավորված ուժերի  դասավորվածության շրջանակներում։

Մինչ Ադրբեջանը զարգացնում է սեփական երկիրը և հարձակվողական խոսույթով մեսիջներ ուղարկում ՀՀ իշխանություններին, վերջիններս զբաղված են բանաստեղծություններ արտասանելով, համերգներ կազմակերպելով, հեծանիվներ քշելով և այդպիսով միաժամանակ առավել շատ կտրվելով տարածաշրջանային իրականությունից։

Ըստ Պուտինի՝ Ռուսաստանի և Ադրբեջանի նոր համագործակցության արդյունքում կմեծանա էներգառեսուրսների մատակարարումը համաշխարհային շուկա

Ադրբեջանի տնտեսության ամրապնդման մասին են վկայում երկրի համախառն միջազգային պահուստների ծավալները․

Վիճակագրության համաձայն՝ 2024թ․ հունիսին Ադրբեջանի համախառն միջազգային պահուստների ծավալները կազմել են ＄11․74 մլրդ։ Վերջինս 2023թ․ նոյեմբերից կայուն աճման միտում ունի։

Վրաստանում 2024թ․ հունիսին համախառն միջազգային պահուստների ծավալները հաստատվել են ＄4․58 մլրդ մակարդակում։ Վրաստանում համախառն միջազգային պահուստները կայուն անկման միոտւմ ունեն։

Հայաստանում 2024թ․ հունիսին  համախառն միջազգային պահուստները հաստատվել են ＄3․34 մլրդ մակարդակում։ Ի տարբերություն Վրաստանի՝ Հայաստանում 2024թ․ ապրիլից պահուստների աճման միտում է ձևավորվել։