Չորեքշաբթի օրը «Bruegel» վերլուծական կենտրոնի կողմից հրապարակված հետազոտության համաձայն՝ Եվրոպայի կառավարությունները վերջին տարում հատկացրել են մոտ 500 միլիարդ եվրո՝ քաղաքացիներին և ընկերություններին գազի և էլեկտրաէներգիայի թանկացումից զերծ պահելու համար:
Գների ամսեկան աճի արդյունքում կառավարությունները միջոցներ են ձեռնարկում էլեկտրաէներգիայի մանրածախ գները զսպելու, էներգիայի հարկերը նվազեցնելու և վճարողներին սուբսիդիաներ տրամադրելու համար: Հայտնում է REUTERS-ը։
Գազի և էլեկտրաէներգիայի եվրոպական գները կտրուկ աճել են, քանի որ Ռուսաստանը կրճատել է վառելիքի արտահանումը` ի պատասխան Արևմուտքի պատժամիջոցների։
ԵՄ 27 երկրները միասին 314 միլիարդ եվրո են հատկացրել հաղթահարման համար։ Բրիտանիան, ըստ որոշ տվյալների, հատկացրել է 178 միլիարդ եվրո:
Ըստ հետազոտական կենտրոնի տվյալների՝ ԵՄ կառավարությունները ծախսել են մոտ 450 միլիարդ եվրո:
Չորեքշաբթի Գերմանիան ազգայնացրեց գազ ներկրող Uniper-ը (UN01.DE), իսկ Մեծ Բրիտանիան սահմանեց ձեռնարկությունների համար էլեկտրաէներգիայի և գազի մեծածախ արժեքը: Նման միջոցներից շատերը ժամանակավոր պետք է լինելեին, բայց դրանք սկսել են դառնալ «կառուցվածքային»:
Գերմանիան, որն ունի ԵՄ-ի ամենամեծ տնտեսությունը, ամենամեծ ծախսերն է ունեցել դաշինքում՝ առանձնացնելով 100 միլիարդ եվրո՝ Իտալիայի 59 միլիարդ եվրոյի դիմաց կամ, օրինակ, Էստոնիայում 200 միլիոն եվրոյի դիմաց:
Խորվաթիան, Հունաստանը, Իտալիան և Լատվիան նախատեսել են իրենց ՀՆԱ-ի ավելի քան 3%-ը էներգետիկ ճգնաժամը հաղթահարելու համար: