Իլոն Մասկին պատկանող X սոցիալական ցանցը բողոքներ է ստացել գաղտնիությունը խախտելու համար՝ առանց նրանց նախնական համաձայնության արհեստական ինտելեկտը վարժեցնելու համար Եվրամիության օգտատերերի տվյալները օգտագործելուց հետո: Այս մասին հայտնում է TechCrunch-ը։
Աոցցանցերի օգտատերերից մեկը հայտնաբերել է, որ X-ը սկսել է օգտագործել մարդկանց տվյալները՝ իր Grok AI չաթբոտը մարզելու համար:
Սա զարմացրել է Իռլանդիայի տվյալների պաշտպանության հանձնաժողովին(DPC), որը պատասխանատու է GDPR-ի հետ X-ի համապատասխանության մոնիտորինգի համար:
X հարթակի դեմ ինը բողոք է ներկայացվել ԵՄ տարբեր երկրների գաղտնիության պաշտպանության մարմիններին:
Նրանք X-ին մեղադրում են եվրոպացի օգտատերերի հաղորդագրությունները մշակելու մեջ՝ առանց արհեստական ինտելեկտի վրաբերյալ իրենց համաձայնության։ «Նոյբ» իրավապաշտպան կազմակերպության նախագահ Մաքս Շրեմսը, որն աջակցում է բողոքներին, ասում է, որ DPC-ն նախկինում հաճախ անարդյունավետ է եղել օրենքների կիրառման հարցում: Նա ընդգծել է Twitter-ի կողմից ԵՄ օրենսդրությանը լիովին համապատասխանելու կարևորությունը և օգտատերերից պահանջելը, որպեսզի համաձայնեն իրենց տվյալների օգտագործմանը:
DPC-ն արդեն սկսել է որոշակի գործողություններ X-ի դեմ Իռլանդիայի Գերագույն դատարանում՝ պահանջելով կասեցնել տվյալների օգտագործումը: Սակայն noyb-ը կարծում է, որ դա բավարար չէ, քանի որ X օգտատերերը հնարավորություն չունեն ջնջելու արդեն տրամադրված տեղեկատվությունը։
Բողոքները պնդում են, որ X ընկերությունն օգտագործում է ԵՄ-ում 60 միլիոն մարդկանց տվյալները՝ առանց նրանց համաձայնության ուսուցանելու արհեստական ինտելեկտը՝ հենվելով «լեգիտիմ շահ» հասկացության վրա:
Բաժանորդագրվեք մեր ալիքին Telegram-ում
