Ռուսաստանը կավելացնի ներդրումները Հայաստանում

Ռուսաստանի տնտեսական զարգացման նախարարությունը հայտարարել է Հայաստանի տնտեսությունում ներդրումների ծավալն ավելացնելու ծրագրերի մասին։ Այս մասին սեպտեմբերի 20-ին հայտնել է ՌԴ վարչության պետի տեղակալ Դմիտրի Վոլվաչը։ Նախարարության ներկայացուցիչը բացատրել է նաև, թե ինչպես են պատժամիջոցներն ազդել Մոսկվայի և Երևանի փոխգործակցության վրա։ Գրում է Eurasia expert-ը։

Ռուսաստանն ու Հայաստանը վերանայել են համատեղ ներդրումային նախագծերի փաթեթը, հայտարարել է Ռուսաստանի տնտեսական զարգացման փոխնախարար Դմիտրի Վոլվաչը՝ ռուս-հայկական 9-րդ գործարար համաժողովի արդյունքների հիման վրա։  Փոխնախարարի խոսքով՝ նման հանգամանքները չեն հանգեցրել երկու երկրների ներդրումային կապերի նվազմանը։Ավելին, ըստ նրա՝ 1 միլիարդ դոլարի նախագծեր արդեն սկզբնական փուլում էին ներդրումների համար: Նախագծերի փաթեթը փոխվել է մի շարք պատճառներով՝ մեծացնելով ներդրումների ծավալը։

Նախարարության ներկայացուցիչն ընդգծել է, որ պատժամիջոցները, չնայած որոշակի դժվարություններին, խթանել են ռուս-հայկական առևտրի ընդլայնումը և մեծացրել հետաքրքրությունը փոխադարձ ներդրումների նկատմամբ։

Իր հերթին, Ռուսաստանի փոխվարչապետ Ալեքսեյ Օվերչուկը համաժողովում ասել է, որ Մոսկվան և Երևանը, ապրանքաշրջանառությունը մեծացնելու նպատակով, սկսել են աշխատել մինչև 2025 թվականը տնտեսական համագործակցության ծրագրի վրա, որը կամրագրելու է փոխգործակցության հիմնական ոլորտները։

Ավելի վաղ Հայաստանի վարչապետ Նիկոլ Փաշինյանն ընդգծել էր, որ Երևանը մտադիր է պահպանել և մեծացնել համագործակցությունը Մոսկվայի հետ՝ չնայած երկրորդական պատժամիջոցների ռիսկերին։ Կառավարության ղեկավարը նշել է, որ Հայաստանի համար հատկապես կարևոր է պարենային և էներգետիկ անվտանգության ոլորտում Ռուսաստանի հետ համագործակցությունը՝ հավելելով, որ Հայաստանի և Ռուսաստանի հարաբերությունները պետք է մնան ռազմավարական, քանի որ դա Անդրկովկասում անվտանգության առանցքային գործոն է։

Միաժամանակ Եվրասիական զարգացման բանկը ևս մեծացրել է Հայաստանի տնտեսության մեջ ներդրումների ծավալը՝ հանրապետության զարգացման հինգ առանցքային ուղղություններ իրականացնելու համար։