ՀՀ տնտեսության առանցքային ոլորտներից է զբոսաշրջությունը, որը, ցավոք, մեծապես կախված է ռուսական անձնագրերով քաղաքացիներից, անգամ եթե ՀՀ այցելած զբոսաշրջիկների մեջ լինեն ազգությամբ հայեր։ Նույնիսկ այս պարագայում զբոսաշրջության ոլորտում ռուսական հետքը զգալի է։
Հետևաբար, ՀՀ-ում վարվող կոշտ քաղաքականությունը Ռուսաստանի նկատմամբ կարող է էապես վնաս հասցնել նաև զբոսաշրջության ոլորտին։ Ընդհանուր առմամբ, վիճակագրական տվյալները փաստում են, որ 2024թ․ առաջին կիսամյակում 2023թ․ նույն կիսամյակի համեմատ ՀՀ ժամանած զբոսաշրջիկների թվաքանակը կրճատվել է 6․1%-ով՝ կազմելով 946,162 մարդ։
ՀՀ ժամանած զբոսաշրջիկների զգալի հատվածը եղել են ստորև նշված երկրների քաղաքացիները․
Այսպես, ՌԴ փաստաթղթերով զբոսաշրջիկների թվաքանակը 2024թ․ առաջին կիսամյակում կազմել է մոտ 396,000 մարդ՝ ՀՀ այցելած զբոսաշրջիկների թվաքանակի մոտ 42%-ը։
Ցավոք, ռուս զբոսաշրջիկների թվաքանակը 2024թ․ առաջին կիսամյակում 2023թ․ առաջին կիսամյակի համեմատ նվազել է մոտ 24%-ով։
ՀՀ այցելած զբոսաշրջիկների թվաքանակի մոտ 15%-ը Հայաստանի փաստաթղթերով զբոսաշրջիկներն են, որոնք թվաքանակը 2024թ․ առաջին կիսամյակում 2023թ․ առաջին կիսամյակի համեմատ նվազել է մոտ 1%-ով՝ կազմելով մոտ 145,000 մարդ։
Զբոսաշրջիկների թվաքանակում մոտ 13% մասնաբաժին ունեն վրացական անձնագրերով քաղաքացիները։ Նրանց թվաքանակը 2024թ․ առաջին կիսամյակում 2023թ․նույն կիսամյակի համեմատ աճել է 10%-ով։
Զբոսաշրջիկների թվաքանակի մոտ 7%-ը Իրանի քաղաքացիներն են, որոնց թվաքանակը կազմել է մոտ 69,000 մարդ։ Իրանցի զբոսաշրջիկների թվաքանակը 2024թ․ առաջին կիսամյակում 2023թ․ նույն կիսամյակի համեմատ աճել է մոտ 18%-ով։
- Ուշագրավ է այն, որ անհայտ է՝ ՀՀ այցելած 165 զբոսաշրջիկները ո՞ր երկրներից են ժամանել։ Ընդ որում՝ ՀՀ այցելած «անհայտ երկրի» քաղաքացի-զբոսաշրջիկների թվաքանակը 2024թ․ առաջին կիսամյակում 2023թ․ նույն կիսամյակի համեմատ աճել է մոտ 16%-ով։
