iPhone 16, 16 Plus, 16 Pro և 16 Pro Max․ Apple ընկերությունը մտադիր է այս աշնանը թողարկել չորս սմարթֆոն։ Սակայն որոշ սարքերի չափերը կփոխվեն․ սովորական Pro մոդելի էկրանը 6,1-ից կդառնա 6,3 դյույմ, Pro Max-ի էկրանը՝ 6,7-ից կդառնա 6,9 դյույմ։ Հիմնական առաջատար սարքերը կթողարկվեն նոր վարդագույն ոսկի գույնով։
Bloomberg-ի սյունակագիր Մարկ Գուրմանի խոսքով՝ նոր շարքի բոլոր սմարթֆոնները կստանան հզոր A18 պրոցեսոր և 8 ԳԲ օպերատիվ հիշողություն։ Սա անհրաժեշտ է, որպեսզի սարքերը կարողանան աշխատել արհեստական բանականության Apple Intelligence ծառայության հետ։ Apple-ի նեյրոցանցը շատ պահանջկոտ է սարքի տեխնիկական բնութագրերի հարցում. ապրանքանիշի ներկայիս սմարթֆոններից միայն iPhone 15 Pro-ն և 15 Pro Max-ը, որոնք ունեն նաև 8 ԳԲ օպերատիվ հիշողություն, կունենան Apple Intelligence-ի աջակցություն։
Բացի դրանից՝ բոլոր չորս մոդելները կստանան Action Button կոճակ, որն ավելացվել է միայն առաջատար սարքերում 2023-ին։ iPhone 16 Pro և 16 Pro Max սմարթֆոնները կունենան լրացուցիչ կոճակ՝ տեսախցիկի առաջադեմ կառավարման համար։
Բաժանորդագրվեք մեր ալիքին Telegram-ում
