Ռոսկոմնադզորն արգելափակել է գաղտնագրված հաղորդագրությունների Signal հավելվածը։ Այս մասին հայտնում է ՏԱՍՍ-ը՝ հղում անելով գերատեսչության մամուլի ծառայությանը։
Արգելափակման որոշումը նրանք բացատրել են նրանով, որ մեսենջերը խախտել է Ռուսաստանի օրենսդրության պահանջները, «որոնց իրականացումն անհրաժեշտ է մեսենջերի օգտագործումը ահաբեկչական և ծայրահեղական նպատակներով կանխելու համար»։ Ռոսկոմնադզորը չի հստակեցրել, թե կոնկրետ ինչ խախտումների մասին է խոսքը։
Signal-ը հաղորդագրությունների հավելված է, որն օգտագործում է տվյալների գաղտնագրման ծայրից ծայր տեխնոլոգիաներ: Ծառայությունն իրեն անվանում է շահույթ չհետապնդող նախագիծ:
Ավելի վաղ՝ օգոստոսի 9-ին, Ռուսաստանում օգտատերերը բողոքել էին Signal-ի անսարքությունից: Նրանց խոսքով՝ հավելվածը դադարել է աշխատել, այն աշխատում է միայն միացված VPN-ով. Բողոքների մեծ մասը ստացվել է Մոսկվայից և տարածաշրջանից, Սանկտ Պետերբուրգից և Կրասնոդարի երկրամասից, ըստ Sboi.rf-ի տվյալների։
Բաժանորդագրվեք մեր ալիքին Telegram-ում
