Ո՞ր երկրներ են ամենաշատը մեկնել ռուսները

2024 թվականի հունվար-հունիսին Ռուսաստանի քաղաքացիները կատարել են 12,6 միլիոն ուղևորություններ արտերկիր, համաձայն Անվտանգության դաշնային ծառայության սահմանապահ ծառայության վիճակագրության տյալների, որը վերլուծել է РБК-ն։ Այս տարի արտասահման կատարած ուղևորությունների թիվը 9%-ով ավելի է, քան 2023 թվականի հունվար-հունիսին։

Հաշվի առնելով այցի բոլոր նպատակները, առավել հաճախ 2024 թվականի առաջին կիսամյակում ճանապարհորդել են  ինչպես հարևան երկրներ (Աբխազիա, Ղազախստան, Հայաստան և Վրաստան), այնպես էլ այլ երկրներ, որոնք հայտնի են զբոսաշրջիկների շրջանում ( Թուրքիա, ԱՄԷ, Եգիպտոս, Թաիլանդ):

Ռուսների մուտքի թվով  առաջատար՝ հաշվի առնելով այցի բոլոր նպատակները,  եղել է Թուրքիան։ Ռուսների հոսքը Թուրքիա 2024 թվականի հունվար-հունիսին նախորդ տարվա համեմատ աճել է 9,4 տոկոսով՝ հասնելով 2,5 միլիոնի։

Ռուսաստանից Չինաստան հոսքը նկատելիորեն աճել է՝ տարեկան կտրվածքով երեք անգամ՝ 793,4 հազար ուղևորություններ։

Ամենաայցելվող երկրների տասնյակում են նաև Թաիլանդը (ուղևորությունների թիվն աճել է 30%-ով) և Եգիպտոսը (գումարած 15%)։ Ղազախստանը նույնպես ռուսաստանցիների շրջանում հայտնի ուղղությունների թվում էր, թեև տարվա ընթացքում դեպի այս երկիր ուղևորությունների թիվը նվազել է մինչև 1,2 միլիոն -ի ։

Հարևան երկրներից առաջին կիսամյակում ռուսաստանցիներն ավելի հազվադեպ են այցելել Հայաստան՝ նախորդ տարվա համեմատ ուղևորությունների թիվը նվազել է 17%-ով՝ հասնելով 452,8 հազարի՝ մեկ տարի առաջվա 545,7 հազարի դիմաց։

Սակայն Ռուսաստանի քաղաքացիներն ավելի հաճախ են մեկնել Վրաստան, քան մեկ տարի առաջ՝ 522,7 հազար (+ 31,5%) և Ադրբեջան՝ 340 հազար (+ 26%)։

Ինչ վերաբերում է զբոսաշրջային ուղևորություններին, ապա 2024 թվականի ընդամենը վեց ամսում ռուսաստանցիները զբոսաշրջության նպատակով 4,9 միլիոն ուղևորություն են կատարել արտերկիր, ինչը 20 տոկոսով ավելի է, քան մեկ տարի առաջ (4,1 միլիոն ուղևորություն):

2024 թվականի առաջին կիսամյակում ռուսաստանցիները զբոսաշրջության նպատակով առավել հաճախ ճանապարհորդող երկրների թվում են  Թուրքիան, ԱՄԷ-ն, Եգիպտոսը, Թաիլանդը և Չինաստանը։ Տասնյակում են հայտնվել նաև հարևան երկրները՝ Հայաստանը, Ադրբեջանը, Ուզբեկստանը և Վրաստանը։ Օտար երկրներից՝ Կուբա։