Տնտեսությունում բիզնես շրջանակների ակտիվությունը նկատվում է տարբեր կերպ։ Դիտարկենք անշարժ գույքի շուկան։ Իրավաբանական անձինք գնում և վաճառում են անշարժ գույք՝ ցուցադրելով որոշակի վարքագիծ, որը թույլ է տալիս հասկանալ բիզնես շրջանակների տրամադրվածությունները տնտեսությունում տեղի ունեցող զարգացումների հանդեպ։
ՀՀ Վիճակագրական կոմիտեն հրապարակել է իրավաբանական անձանց կողմից անշարժ գույքի առուվաճառքի`2024թ․ մայիսի հետևյալ վիճակագրությունը
Տվյալներից եզրակացնում ենք, որ իրավաբանական անձանց կողմից գնված անշարժ գույքի գործարքների թվաքանակը 2024թ․ մայիսին կազմել է 253 միավոր, որը նախորդ տարվա նույն ամսվա համեմատ աճել է 55%-ով։
Իրավաբանական անձանց կողմից անշարժ գույքի վաճառքի գործարքների թվաքանակը կազմել է 486 միավոր, որը 2023թ․ մայիսի համեմատ աճել է 55%-ով։
Հետաքրքիր իրավիճակ է Երևանում, որտեղ 2024թ․ մայիսին իրավաբական անձանց կողմից անշարժ գույքի գնման և վաճառքի գործարքների տարբերությունը չափազանց մեծ է։
Մասնավորապես, իրավաբանական անձանց կողմից գնված անշարժ գույքի գործարքների թվաքանակը կազմել է 58 միավոր, իսկ վաճառված անշարժ գույքի գործարքների թվաքանակը՝ 300 միավոր։
Նկատենք, որ նման տարբերություն անշարժ գույքի գնման և վաճառքի գործարքների միջև եղել է նաև 2023թ․ մայիսին։
Արագածոտնի մարզում 2024թ․ մայիսին իրավաբանական անձանց կողմից գնված անշարժ գույքի գործարքների թվաքանակը կազմել է 76, իսկ վաճառված գործարքներինը՝ 1 միավոր։
Կոտայքի մարզում իրավաբանական անձանց մասնակցությամբ գնված անշարժ գույքի գործարքների թվաքանակը կազմել է 24 միավոր, իսկ վաճառած անշարժ գույքի գործարքների թիվը՝ 105 միավոր։
Արմավիրի մարզում իրավաբանական անձանց մասնակցությամբ գնված անշարժ գույքի գործարքների թվաքանակը կազմել է 51, իսկ վաճառված անշարժ գույքի գործարքների թվաքանակը՝ 105 միավոր։
Հավելենք, որ անշարժ գույքի գնման գործարքների 78%–ը կապված է հողի հետ, որի զգալի մասն ունի գյուղատնտեսական նշանակություն, իսկ վաճառքի գործարքների մոտ 50%-ը պատկանում է բազմաբնակարան շենքերի բնակարաններին։
Բաժանորդագրվեք մեր ալիքին Telegram-ում
