Հայտնի հրթիռային ինժեներ և CAS Space-ի հիմնադիր Յանգ Յիցյանը հայտարարել է, որ Չինաստանը կսկսի տիեզերական զբոսաշրջության ծառայություններ մատուցել 2025 թ․-ից։ Այս մասին տեղեկանում ենք РИА Новости-ից։
Նրա խոսքով՝ զբոսաշրջիկի համար ենթաօրբիտալ տիեզերական ճանապարհորդության արժեքը կկազմի 2-3 մլն յուան (286.000 — 429.000 դոլար)։
Գինը բավականին մրցունակ է՝ հաշվի առնելով նույն ուղևորության համար Virgin Galactic-ի կողմից ավելի վաղ հայտարարված 450,000 դոլար տոմսի արժեքը:
Տիեզերագնացը նշել է, որ չինական տիեզերական ծրագրում մասնավոր կապիտալի առկայությունը սրընթաց աճել է՝ տարեկան մոտ 22%-ով՝ հատկապես 2015-2020 թվականներին։ Ներկայումս Չինաստանի օդատիեզերական ոլորտում գործում է մոտ 370 մասնավոր ընկերություն: Նրանք աշխատում են այնպիսի ոլորտներում, ինչպիսիք են արբանյակների մշակումն ու արտադրությունը, հրթիռային գիտությունը և մասնագիտացված ծառայությունների մատուցումը:
Այս տարվա սկզբին Չինաստանի առաջին տիեզերագնաց և օդաչուների թռիչքների ծրագրի ինժեներական բաժնի ներկայիս տնօրեն Յանգ Լիվեյը ասել է, որ ապագայում տիեզերական զբոսաշրջիկների համար կբացվի Չինաստանի Երկնային պալատի ուղեծրային կայանը, որի շինարարությունը կավարտվի այս տարի։
Բաժանորդագրվեք մեր ալիքին Telegram-ում
Loading ...