Wiz կիբերանվտանգության ընկերությունը չեղարկում է Google-ի հետ $23 մլրդ արժողությամբ գործարքը։ Այս մասին հայտնում է Reuters-ը:
Կիբերանվտանգության ոլորտում իսրայելական Wiz ստարտափն ավարտել է «Alphabet» ընկերության հետ բանակցությունները $23 մլրդ արժողությամբ գործարքի շուրջ։ Այն պետք է դառնար ամերիկյան տեխնոլոգիական հսկայի ամենամեծ ձեռքբերումը պատմության մեջ:
Wiz-ի գործադիր տնօրեն Ասաֆ Ռապպապորտը (Assaf Rappaport) հայտարարել է, որ ընկերությունն այժմ կկենտրոնանա արժեթղթերի առաջնային տեղաբաշխման վրա, ինչպես և նախկինում պլանավորել էր, և նպատակ ունեն հասնել տարեկան $1 մլրդ եկամտի:
![](https://banksnews.am/wp-content/uploads/2024/05/converse-970x250-c360.webp)
Wiz-ը տրամադրում է ամպային հենքով կիբերանվտանգության լուծումներ, որոնք օգնում են ընկերություններին բացահայտել և լուծել կրիտիկական ռիսկերն արհեստական ինտելեկտի վրա հիմնված ամպային հարթակներում:
Գործարքը դադարեցնելու Wiz-ի որոշումը հարված կլինի Google-ի համար, որը ներդրումներ է կատարում իր ամպային ենթակառուցվածքում և կենտրոնացած է ամպային բիզնեսի համար հաճախորդներ ներգրավելու վրա, որն անցյալ տարի ավելի քան $33 մլրդ եկամուտ է բերել:
Սա Alphabet-ի համար երկրորդ հարվածն էր վերջին շրջանում այն բանից հետո. ավելի վաղ հաղորդվել էր HubSpot առցանց մարքեթինգային ծրագրային ապահովման ընկերության հետ գործարքից հրաժարվելու որոշման մասին։
Բաժանորդագրվեք մեր ալիքին Telegram-ում