Հուլիսի 19-ին CrowdStrike հակավիրուսային ծրագրաշարի անսարքությունն անջատել է մոտ 8,5 միլիոն Windows սարք, հայտնում է Microsoft-ը, ինչը Windows սարքերի 1%-ից պակասն է:
Այնուամենայնիվ, խնդրի ազդեցությունը լայնածավալ է եղել, քանի որ շատ ավիաընկերություններ, բանկեր, հիվանդանոցներ և ձեռնարկություններ դեռ աշխատում են վնասված համակարգերը վերականգնելու ուղղությամբ:
Delta Air Lines-ի գործադիր տնօրեն Էդ Բաստիանը հուլիսի 21-ին ասել է, որ ավիաընկերությունը փորձում է վերականգնել իր համակարգերը, սակայն թռիչքների չեղարկումները շարունակվում են:
«Տեխնոլոգիական խափանումը տեղի է ունեցել ամառվա ամենածանրաբեռնված հանգստյան օրերից մեկում, երբ մեր թռիչքները 90%-ից ավելի զբաղվածություն ունեն, ինչը սահմանափակում է վերամրագրման մեր հնարավորությունը», — ասաց Բաստիանը:
