Շինարարական «եռուզեռը» տնտեսության աշխատանքի մասին շատ բան կարող է հուշել: Ֆրանսիական ասացվածքն ասում է՝ շինարարությունը քայլում է՝ ամեն ինչ քայլում է:
2024թ․ հունվար-մայիս ժամանակահատվածում Հայաստանում շինարարության ծավալները կազմել են ֏ 150,676 մլն։ Վերջինս նախորդ տարվա նույն ժամանակահատվածի համեմատ աճել է 14,9%-ով։
Մյուս կողմից, շինմոնտաժային աշխատանքների ծավալները վերոնշյալ ժամանակահատվածում կազմել են 137,726 մլն դրամ։ Վերջինս 2023թ․ հունվար-մայիսի համեմատ աճել է 14,2%-ով։
Շինարարության ծավալների 19,5%-ը իրականացվել է պետբյուջեի,
- 4%-ը՝ համայնքների միջոցների,
- 0,7%-ը՝ մարդասիրական օգնության,
- 46,6%-ը՝ կազմակերպությունների
- 29,2%-ը՝ բնակչության միջոցների հաշվին։
Շինմոնտաժային աշխատանքների ծավալների 19,5%-ն իրականացվել է պետբյուջեի,
- 4,3%-ը՝ համայնքների միջոցների,
- 0,7%-ը՝ մարդասիրական օգնության,
- 43,6%-ը՝ կազմակերպությունների,
- 31,9%-ը՝ բնակչության միջոցների հաշվին։
Հետաքրքիր է ուսումնասիրել շինարարության և շինմոնտաժային աշխատանքների ծավալների կառուցվածքը 2024թ․ հունվար-մայիսին՝ ըստ տնտեսության ճյուղերի․
Շինարարության ծավալների 54,2%-ը և շինմոնտաժային աշխատանքների ծավալների 55,2%-ն իրականացվել են անշարժ գույքի հետ կապված գործունեության ոլորտում։
Շինարարության և շինմոնտաժային աշխատանքների ծավալների համապատասխանաբար 10,7%-ը և 11,7%-ը իրականացվել են տրանսպորտի ոլորտում։
էլեկտրականության, գազի, գոլորշու և լավորակ օդի մատակարարման ոլորտում շինարարության և շինմոնտաժային աշխատանքների ծավալների մասնաբաժինները կազմել են համապատասխանաբար 7,3% և 5,9%։
Կրթության ոլորտին բաժին են ընկնում շինարարության 5,1%-ը և շինմոնտաժային աշխատանքների ծավալների 5%-ը։
Բաժանորդագրվեք մեր ալիքին Telegram-ում
