Microsoft-ը հայտարարել է, որ իր Designer հավելվածը, որն օգտագործում է արհեստական բանականությունը՝ տեքստային հուշումների հիման վրա պատկերներ և դիզայներ ստեղծելու համար, այժմ հասանելի է iOS-ի և Android-ի բոլոր օգտատերերին:
Այս մասին տեղեկություն է հայտնվել կորպորացիայի պաշտոնական կայքում։
![](https://banksnews.am/wp-content/uploads/2024/05/converse-970x250-c360.webp)
Հավելվածի վեբ տարբերակը հասանելի է ավելի քան 80 լեզուներով, ինչպես նաև հասանելի է որպես անվճար բջջային հավելված և հանդիսանում է Windows օպերացիոն համակարգի մաս:
Designer-ն ունի «հրատապ ձևանմուշներ» բաժինը, որոնք օգնում են օգտատերեին սկսել իրենց ստեղծագործական գործընթացը:
Բացի կպչուն պիտակներ, էմոջիներ, նկարներ, պաստառներ, մոնոգրամներ և ավատարներ ստեղծելուց, Designer-ը AI-ի միջոցով կարողանում է խմբագրել պատկերների ոճը:
Մոտ ապագայում հավելվածին կավելացվի «ֆոնի փոխարինում» գործառույթը, որը թույլ կտա տեքստային հուշումների միջոցով փոխարինել պատկերների ֆոնը:
Designer-ը կարելի է օգտագործել նաև Word-ի և PowerPoint-ի հետ Copilot-ի միջոցով: Copilot Pro-ի բաժանորդները կարող են նկարներ ստեղծել անմիջապես իրենց աշխատանքային թղթապանակում:
Ընկերությունը նախատեսում է նաև ավելացնել պաստառներ ստեղծելու հնարավորություն, որոնք հիմնված կլինեն Word փաստաթղթերի բովանդակության վրա։
Microsoft-ը հայտարարել է, որ Designer-ը կինտեգրվի Microsoft Photos-ին՝ որպես Windows 11-ի մաս:
Օգտատերերը կկարողանան օգտագործել AI-ը՝ լուսանկարները խմբագրելու, առարկաները հեռացնելու, հետնապատկերները հեռացնելու և ավտոմատ կտրել լուսանկարը հենց Photos հավելվածում:
Բաժանորդագրվեք մեր ալիքին Telegram-ում