Չինական մեքենաների ներմուծումը Վրաստան աճել է ռեկորդային մակարդակով: 2024 թվականի հունվար-մայիսին երկիր է ներմուծվել 18,6 մլն դոլար արժողությամբ 1,1 հազար մարդատար ավտոմեքենա, ինչը 116 տոկոսով ավելի է 2023 թվականի նույն ժամանակահատվածի համեմատ։ Այս մասին հայտնում է Sputnik Грузия-ն:
Բացի այդ, այս ժամանակահատվածում Վրաստանը ներմուծել է 19,9 մլն դոլար արժողությամբ 492 բեռնատար, ինչը 139 տոկոսով ավելի է 2023 թվականի հունվար-մայիսի ցուցանիշից։ Երկիրն ավելացրել է նաև հատուկ տեխնիկայի մատակարարումները՝ 6,6 մլն դոլար արժողությամբ 83 միավոր (աճը՝ 186%)։
Ավելի վաղ Չինաստանի դեսպան Չժոու Ցզյանը հայտարարել էր, որ Չինաստանը ծրագրում է Վրաստանում բացել չինական արտադրության ավտոմեքենաների շուկան։
Բաժանորդագրվեք մեր ալիքին Telegram-ում
