Հնդկաստանի Առևտրի և արդյունաբերության նախարարության տվյալներով՝ մայիսին Ռուսաստանը Հնդկաստանին մատակարարել է ավելի քան 7 մլրդ դոլարի ապրանք, ինչի արդյունքում երկու երկրների միջև առևտուրն աճել է 7.5 մլրդ դոլարով,-գրում է РИА Новости-ն:
Գարնան վերջին ռուսական ընկերությունները 7.1 մլրդ դոլարի ապրանք են արտահանել Հնդկաստան, ինչը մեկ երրորդով ավելի է նախորդ ամսվա ցուցանիշից և 18%-ով ավելի է նախորդ տարվա ցուցանիշից։ Միևնույն ժամանակ, Հնդկաստանից մատակարարումները Ռուսաստան նույնպես աճել են՝ ամսական 5%-ով և տարվա կտրվածքով 1.4 անգամ՝ մինչև 425.4 մլն դոլար։
![](https://banksnews.am/wp-content/uploads/2024/05/converse-970x250-c360.webp)
Արդյունքում երկու երկրների միջև ապրանքաշրջանառությունը հասել է ռեկորդային 7.5 մլրդ դոլարի։ 2023 թվականի մայիսին, այս տարվա փետրվարին և մարտին ապրանքաշրջանառությունը եղել է6.3 մլրդ դոլարի։
Միևնույն ժամանակ, այս տարվա հինգ ամիսների ընթացքում Ռուսաստանից Հնդկաստան մատակարարումներն աճել են 11.4%-ով՝ մինչև 28.7 մլրդ դոլար։ Իսկ Չինաստանից Հնդկաստան արտահանվել 41.1 մլրդ դոլարի ապրանք։
Հնդկական ապրանքների արտահանումը տարեսկզբից աճել է մեկ քառորդով՝ հասնելով 2 մլրդ դոլարի։ Ռուսաստանը Հնդկաստանից ապրանքներ ստացողների թվում շարունակում է մնալ 29-րդ տեղը: Հնդկական ապրանքների խոշոր ներկրողների հնգյակում են ԱՄՆ-ը (34.9 մլրդ դոլար), ԱՄԷ-ն (16.6 մլրդ դոլար), Նիդեռլանդները (12 մլրդ դոլար), Սինգապուրը (8.1 մլրդ դոլար) և Չինաստանը (7.3 մլրդ դոլար):
Այսպես, Ռուսաստանի և Հնդկաստանի միջև առևտուրը հունվար-մայիսին աճել է 12%-ով՝ մինչև 30.7 մլրդ դոլար, ինչը կազմում է անցյալ տարվա ապրանքաշրջանառության ավելի քան 48%-ը։
Բաժանորդագրվեք մեր ալիքին Telegram-ում