Կոռուպցիոն հանցագործությունների գրանցված դեպքերն աճել են. Ի՞նչ են փաստում թվերը. ՏԵՍԱՆՅՈՒԹ

Հայաստանում տնտեսական գործունեության դեմ ուղղված հանցագործություններն ավելացել են։

Այս մասին Banksnews.am-ը տեղեկանում է ՀՀ Վիճակագրական կոմիտեի հրապարակած տվյալներից։

Եթե նախորդ տարվա՝ 2023 թվականի հունվար-մայիս ամիսներին Հայաստանում արձանագրվել է տնտեսական գործունեության դեմ ուղղված հանցագործությունների 385 դեպք, ապա այս տարվա նույն ժամանակահատվածում արձանագրված դեպքերը 410-ն են՝ 25-ով ավելի։

Այսպես․

• Հանցավոր ճանապարհով ստացված գույքն օրինականացնելու (փողերի լվացումը) արձանագրված դեպքերն ավելացել են 8-ով։ 2023 թվականի հունվար-մայիս ամիսներին գրանցվել է 21 դեպք, 2024-ի նույն ժամանակահատվածում՝ 29 դեպք։
• Տնտեսական գործունեության դեմ ուղղված այլ հանցագործություններն ավելացել են 18-ով։ 2023 թվականի հունվար-մայիս ամիսներին գրանցվել է 206 դեպք, 2024-ի նույն ժամանակահատվածում՝ 224 դեպք։
• Կեղծ փողեր կամ արժեթղթեր պատրաստելու, պահելու կամ իրացնելու դեպքերը նվազել են 1-ով։ 2023 թվականի հունվար մայիսին գրանցվել է 158 դեպք, 2024 թվականի նույն ժամանակահատվածում՝ 157 դեպք։

Աճել են նաև կոռուպցիոն բնույթի հանցագործություններ դեպքերը։

2023 թվականի հունվար-մայիս ամիսներին գրանցվել է 374 դեպք, 2024-ի նույն ժամանակահատվածում՝ 416 դեպք։