Ընթացիկ տարվա հունվար-հունիսին Ադրբեջանը Եվրոպա է արտահանել 6,4 մլրդ խորանարդ մետր բնական գազ։
Այս մասին ասված է էներգետիկայի նախարարության 2024 թվականի հունվար-հունիս ամիսների օպերատիվ տեղեկատվության մեջ։
![](https://banksnews.am/wp-content/uploads/2024/05/converse-970x250-c360.webp)
2023 թվականի հունվար-հունիսի համեմատ Եվրոպա գազի վաճառքն աճել է 0,7 մլրդ խորանարդ մետրով կամ 12,3%-ով։
Ընդհանուր առմամբ, այս տարվա առաջին կիսամյակում Ադրբեջանից արտասահման գազի վաճառքը կազմել է 12,7 մլրդ խորանարդ մետր, ինչը 6%-ով ավելի է նախորդ տարվա համապատասխան ժամանակահատվածի համեմատ։
«Ընթացիկ տարվա հունվար-հունիսին Ադրբեջանից Թուրքիա է վաճառվել 5 մլրդ խորանարդ մետր գազ, Վրաստանին՝ 1,3 մլրդ խորանարդ մետր։ Թուրքիա և Վրաստան գազի արտահանումը նախորդ տարվա նույն ժամանակահատվածի համեմատ մնացել է նույնը։ Հաշվետու ժամանակահատվածում Անդրանատոլիական գազատարով Թուրքիա է տեղափոխվել մոտ 2,8 մլրդ խորանարդ մետր գազ»,- նշված է հաղորդագրության մեջ։
Բաժանորդագրվեք մեր ալիքին Telegram-ում