Հանրապետության դիտարկվող բնակավայրերում 2024թ. հունիսին մայիսի համեմատ սպառողական գները նվազել են 1.3-0.6%-ով, ամենաշատը՝ ք. Վաղարշապատում: Մայրաքաղաքում սպառողական գները նվազել են 0.9%-ով: Այս մասին Banksnews.am-ը տեղեկանում է ՀՀ վիճակագրական կոմիտեի հրապարակած տվյալներից։
Նախորդ տարվա հունիսի համեմատ սպառողական գների ինդեքսն աճել է 0,8 %-ով։
Այսպես․ նախորդ տարվա հունիսի համեմատ այս տարվա հունիսին տեղի են ունեցել հետևյալ գնային փոփոխությունները․
- Սննդամթերք և ոչ ալկոհոլային խմիչք՝ -0.7 %
- Ալկոհոլային խմիչք, ծխախոտ՝ +4.8 %
- Հագուստ և կոշիկ՝ -1.9 %
- Բնակարանային ծառայություններ՝ -0.4 %
- Տնային գործածության առարկաներ, կենցաղային տեխնիկա և բնակարանների խնամքի ամենօրյա գործունեություն՝ -1.3 %
- Առողջապահություն՝ +0.9 %
- Տրանսպորտ՝ +10.8 %
- Հանգիստ և մշակույթ՝ + 0.6 %
- Կրթություն՝ 4.8 %
- Ռեստորաններ և հյուրանոցներ՝ 3.2 %
- Տարբեր ապրանքներ և ծառայություններ՝ -1.1 %
Սննդամթերքի գներ
2024 թ. հունիսին 2023 թ. հունիսի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 0.7%, իսկ 2024թ. մայիսի համեմատ՝ 2.4% գնանկում:
- Հացաբուլկեղեն և ձավարեղեն՝ -1.8 %
- Միս` -2.5 %
- Ձուկ և ծովամթերք` -4.2 %
- Կաթնամթերք, պանիր և ձու` -0.4 %
- Յուղեր և ճարպեր` -9.8 %
- Միրգ` +6.3 %
- Բանջարեղեն` +7.0 %
- Շաքար, մրգախյուս, մեղր, օշարակներ, շոկոլադ և շաքարային հրուշակեղեն` -0.9 %
- Սննդամթերք, չներառված ուրիշ խմբավորումներում՝ -3.4 %
- Սուրճ, թեյ և կակաո՝ + 6.0
- Հանքային կամ աղբյուրի ջուր. շշալցված խմելու ջուր՝ 0.5 %
- Օղի՝ +10.7 %
- Գինի՝ -1.8 %
- Գարեջուր՝ +3.7 %
- Ծխախոտային արտադրատեսակներ՝ + 2.3%
