Քննարկվել է Սիսիան-Քաջարան հատվածի կառուցման ծրագրի գնումների պլանին

1 Min Read
«Ճանապարհային դեպարտամենտ» հիմնադրամի գործադիր տնօրենի տեղակալ Կարեն Բադալյանը և հիմնադրամի աշխատակիցները հանդիպել են Վերակառուցման և զարգացման եվրոպական բանկի (ՎԶԵԲ) ներկայացուցիչների հետ։
Քննարկվել են Հյուսիս-հարավ ճանապարհի Տրանշ-4-ի Սիսիան-Քաջարան հատվածի կառուցման ծրագրի ընթացիկ վիճակը և առաջիկա գործողությունները։ Այս մասին տեղեկանում ենք «Ճանապարհային դեպարտամենտը»։
«Մասնավորապես‚ անդրադարձ է եղել գնումների պլանին‚ նախատեսվող մրցութային գործընթացներին‚ նախագծային‚ ծրագրի կառավարման և այզ հարցերի»,- նշված է հաղորդագրության մեջ։
Դեպարտամենտը հիշեցնում է, որ Սիսիան-Քաջարան շուրջ 60 կմ նոր ճանապարհահատվածի (ներառյալ Բարգուշատի թունելը) ներդրումային ծրագիրը նախատեսվում է իրականացնել ըստ երեք ենթահատվածների՝ 27.12 կմ երկարությամբ հյուսիսային ենթահատված, 8.65 կմ երկարությամբ Բարգուշատի թունելի ենթահատված, 24.25 կմ երկարությամբ հարավային ենթահատված:
Հարավային ենթահատվածը նախատեսվում է կառուցել ՎԶԵԲ-ի և ԵՆԲ-ի կողմից տրամադրվող վարկային միջոցներով և ՀՀ կառավարության համաֆինանսավորմամբ: Սիսիան-Քաջարան ճանապարհի հարավային ենթահատվածի կառուցման ֆինանսավորման նպատակով ՀՀ-ի և ՎԶԵԲ-ի միջև 2024 թ. մայիսի 15-ին ստորագրվել է 236 մլն եվրո արժողությամբ վարկային համաձայնագիր:
Share This Article