ԱՄՆ-ն 5 մլն դոլար ֆինանսավորում է տրամադրելու ՀՀ-ին՝ աջակցելու, առաջ մղելու թվային վերափոխման համար:
Այս մասին ՀՀ ԲՏԱ նախարար Մխիթար Հայրապետյանի հետ համատեղ հայտարարության ընթացքում ասել է ԱՄՆ միջազգային զարգացման գործակալության ղեկավար Սամանթա Փաուերը։
![](https://banksnews.am/wp-content/uploads/2024/05/converse-970x250-c360.webp)
«Ուրախ եմ՝ ՀՀ-ում ստեղծվել է հավելված, որը կօգնի հայերին ստանալ վարորդական իրավունք, ծննդականի, մահվան վկայական կամ դիմել ֆինանսական աջակցության: Այս ամենը հնարավոր կլինի այդ հավելվածի միջոցով: Պետական ծառայությունները թվայնացնելը կպահանջի նախևառաջ անվտանգային և հուսալի թվային համակարգեր, որոնք կարող են դիմակայել կիբերհարձակումներին, և որոնք կառավարվում են հստակ կարգավորող կանոններով»,- նշել է Փաուերը:
Նա ասել է նաև, որ ուրախ է հայտարարել՝ 5 մլն դոլար նոր ֆինանսավորում է տրամադրվելու ՀՀ-ին աջակցելու, առաջ մղելու թվային վերափոխման նպատակով: Այս համատեքստում Փաուերը հայտարարել է, որ 5 միլիոն դոլարի ֆինանսավորում է տրամադրվելու՝ «Ամազոն» վեբծառայության և Կառավարության համագործակցությանն աջակցելու համար:
««Ամազոնի» վեբսերվիսի պրոֆեսիոնալիզմը կօգնի Հայաստանին արագ զարգանալ և թվայնացնել իրենց համակարգերի տվյալները: «Ամազոն» վեբծառայությունը կտրամադրի կարևոր վերապատրաստումներ ամպային հաշվարկների ոլորտում, կիբեռանվտանգության ոլորտում, կօգնի Հայաստանին կառուցել և պաշտպանել իր թվային ինքնիշխանությունը բոլոր նրանցից, ովքեր կցանկանան ՀՀ-ին վնաս հասցնել, նաև կտրամադրի հուսալի տեղեկատվություն ՀՀ քաղաքացիներին»,- ասել է նա:
Բաժանորդագրվեք մեր ալիքին Telegram-ում