Հուլիսի 5-ի գիշերը Bitcoin-ի և այլ խոշոր կրիպտոարժույթների փոխարժեքները կտրուկ անկում են գրանցել այն բանից հետո, երբ տեղեկություն է հայտնվել, որ սնանկ հայտարարված Mt. Gox կրիպտոբորսան սկսել է հաճախորդներին մոտ 9 մլրդ դոլար ընդհանուր արժեքով վճարումների գործընթացը,- գրում է РБК-ն:
Ենթադրվում է, որ կրիպտոարժույթի զգալի մասը կարող է վաճառվել բաց շուկայում: Bitcoin-ի գինը նվազել է 8%-ով՝ հասնելով 54 000 դոլարի, ինչն ամենացածր փոխարժեքն է 2024 թ.-ի փետրվարից ի վեր։
![](https://banksnews.am/wp-content/uploads/2024/05/converse-970x250-c360.webp)
Երկրորդ խոշորագույն կրիպտոարժույթի՝ Ethereum-ի (ETH) փոխարժեքն իջել է ավելի քան 10%-ով՝ հասնելով 2 800-ի։ Լավագույն 100 կրիպտոարժույթների մեծ մասն ըստ կապիտալիզացիայի, այդ թվում՝ Binance-ը BNB, Ripple XRP-ը, Toncoin-ն (TON) և Dogecoin-ն (DOGE), գրանցել են 10-20% անկում:
Mt. Gox–ը, որը գործել է 2010-ից 2014 թվականներին, աշխարհի ամենամեծ կրիպտո փոխանակումն էր, որը կազմում էր Bitcoin-ի առևտրի ամբողջ ծավալի ավելի քան 70%-ը: Այնուամենայնիվ, բորսայի վրա հաքերային հարձակումների շարքը հանգեցրել է 850 հազար դոլար կորստի, որն այսօրվա փոխարժեքով կազմում է ավելի քան 50 մլրդ դոլար:
2014 թվականին Mt. Gox–ը, սնանկության դիմում ներկայացրեց, և միայն 2021-ին, գրեթե ութ տարվա դատավարությունից հետո, տուժած հաճախորդների համար փոխհատուցման ծրագիր մշակվեց:
2024 թվականին Mt. Gox–ը հայտարարեց, որ մտադիր է բաշխել 142 հազար Bitcoin (մոտ 9 մլրդ դոլար), 143 հազար Bitcoin Cash (մոտ 53 մլն դոլար):
Ինչպես հայտնում է Arkham վերլուծական հարթակը՝ փոխհատուցումները վճարելու համար հուլիսի 5-ի գիշերը Mt. Gox-ի դրամապանակ է տեղափոխվել ընդհանուր 48 545 Bitcoin (2.6 մլրդ դոլար):
Մոսկվայի ժամանակով մոտավորապես 9:30-ին պաշտոնապես տրվել է վճարումների մեկնարկը:
Բաժանորդագրվեք մեր ալիքին Telegram-ում