Վրաստանի ներքին գործերի նախարարության հաղորդագրության մեջ նշվում է, որ Վրաստանում ավտոմեքենաների սեփականատերերը հուլիսի 3-ից չեն տուգանվի, եթե առջևի ապակիները մինչև 60% մգեցված լինեն,- գրում է Sputnik Грузия-ն։
Առանց հատուկ թույլտվության և նորմայից բարձր մգեցված ապակիներով մեքենա վարողները կտուգանվեն 500 լարիով (մոտ 180 դոլար)։
Համաձայն նոր կանոնների՝ առջևի կողային ապակիների ներկման մակարդակը սահմանվել է 40%-ից մինչև 60%, իսկ հետևի կողային ապակիների ներկման մակարդակը մնացել է նույնը՝ 75%:
Արգելվում է մգացնել դիմապակին։ Նշվում է, որ ամբողջովին մգեցված ապակիներով մեքենաներ կարող են օգտագործել Վրաստանի նախագահը, վարչապետը, նախարարները, քաղաքապետը, պատգամավորները, ուժային կառույցների ղեկավարները, դատարանների նախագահները, պետական անվտանգության աշխատակիցները։
Բացի այդ, պատուհանների ամբողջական մգեցում կարող են կատարել քննչական մարմինների մեքենաները, շտապ օգնության մեքենաները և բանտարկյալներին տեղափոխող մեքենաները:
Բաժանորդագրվեք մեր ալիքին Telegram-ում
