Եվրաինտեգրումը սկսվել է շատ փոքր քայլերից, դա նույնիսկ ԵՄ-ի հետ հարաբերությունների մասին չէ, այլ ԵԽ-ի:
Այս մասին «ՀՀ-Արևելյան գործընկերություն-ԵՄ. գործընկերության մարտահրավերները և հնարավորություններ» խորագրով քննարկման ժամանակ ասել է ԱԺ եվրոպական ինտեգրման հարցերի մշտական հանձնաժողովի ղեկավար Արման Եղոյանը:
Նրա խոսքով՝ Եվրաինտեգրումը պրոցես է, ոչ թե մրցավազք: Ըստ նրա՝ ԵՄ անդամ երկրներն էլ են եվրաինտեգրվում, և խնդրում է, որ եվտաինտեգրում բառը չօգտագործեն հայեցողաբար:
«Եթե խոսում ենք անդամակցությունից, ուրեմն խոսում ենք դրանից՝ ե՞րբ ենք հայտը ներկայացնում, ի՞նչ ենք ակնկալում, ի՞նչ պետք է ստանանք, եկեք խոսենք այդ տերմիններով, որ մարդիկ շփոթության մեջ չընկնեն: Ուզո՞ւմ ենք հետ բերել ասոցացման համաձայնագիրը, որը չստորագրեց Սերժ Սարգսյանը: Եթե ուզում ենք ԵՄ անդամակցության հայտ ներկայացնել, սկզբից պետք է դարակից հանենք Սերժ Սարգսյանի ասոցացման համաձայնագիրը, դրա համար պետք է դուրս գանք ԵԱՏՄ-ից կամ գոնե ասենք, որ պատրաստվում ենք դուրս գալ»,- նշել է նա:
