ԱԽ քարտուղար Արմեն Գրիգորյանը հայտարարել է, որ Հայաստանն անվտանգության դիվերսիֆիկացիայի հարցում մեծ հաջողություններ ունի, ինչը չի կարելի ասել էկոնոմիկայի ոլորտի մասին։
Այս մասին «ՀՀ-Արևելյան գործընկերություն-ԵՄ. գործընկերության մարտահրավերները և հնարավորություններ» թեմայով քննարկման ժամանակ ասել է ԱԽ քարտուղար Արմեն Գրիգորյանը։
Ըստ նրա՝ երկիրը հետագա հնարավոր սպառնալիքներին դիմակայելու բավարար կարողություն ունի, և այստեղ բազմաթիվ գործիքներ կան։
Նա խոսել է նաև նոր ատոմակայանի կառուցման մասին՝ շեշտելով, որ պրոցեսը մտել է առարկայական փուլ.
«Այստեղ բազմաշերտ բազմաթիվ խնդիրներ կան, որոնց լուծման ուղղությամբ մեծ աշխատանք է տարվում և պատահական չէ, որ ապրիլի 5-ի առաջնահերթ օրակարգային խնդիրները հենց տնտեսական են եղել, դիմակայունության և դիվերսիֆիկացիայի մասին են եղել: Որոշ դեպքերում երկարաժամկետ ենք փորձում հարցերը լուծել: Օրինակ, նոր ատոմակայանի կառուցման հետ կապված մենք մտել ենք շատ առարկայական փուլ: Այսինքն մենք ԱՄն-ի հետ քննարկում ենք իրավապայմանագրային դաշտը կարգավորելու հարցը: Առանց այդ դաշտի մենք չենք կարող առաջ ընթանալ: Այս պահին կարող եմ ասել, որ գնդակն ԱՄՆ-ի դաշտում է, մենք ակնկալում ենք ԱՄՆ-ի մեր համակարգային պրոցեդուրաները, որ անցնեն, այնուհետեւ մենք կսկսենք աշխատել հենց դիվերսիֆիկացիայի ուղղությամբ»:
Նա շեշտել է, որ այս հարցը երկարաժամկետ է, իսկ կարճաժամկետ հարցերում, հուսով է, հաջողություն կունենան։
Բաժանորդագրվեք մեր ալիքին Telegram-ում
