SoftBank Group-ի բաժնետոմսերն աճել են 1.5%-ով՝ հասնելով նոր առավելագույնին, ինչը վկայում է այն մասին, որ բանկը վստահություն ունի արհեստական ինտելեկտի և կիսահաղորդիչների ոլորտում ներդրումներն ավելացնելու ուղղությամբ,— գրում է Bloomberg-ը:
Ճապոնական տեխնոլոգիական ընկերությունը գրավում է ներդրողների ուշադրությունը, քանի որ նրա հեռահաղորդակցական ստորաբաժանումը ակտիվորեն ներդրումներ է կատարում արհեստական ինտելեկտի ոլորտում և համագործակցում է Microsoft կորպորացիայի և Perplexity ստարտափի հետ:
SoftBank-ի սերտ կապերը Nvidia-ի և OpenAI-ի հետ ամրապնդել են ընկերության դիրքերը արհեստական ինտելեկտի ոլորտում: SoftBank-ի բաժնետոմսերը մասամբ բարձրացել են, քանի որ ակնկալվում է, որ Nikkei 225 ինդեքսի վերականգնումը կօգնի ներդրումային ընկերությանը մեծացնել շահույթը:
Ըստ Iwaicosmo Securities-ի ավագ վերլուծաբանի՝ սա ևս մեկ խթան կհանդիսանա, քանի որ ավելի շատ ներդրողներ կցանկանան ներդրումներ կատարել:
Նշվում է, որ նախորդ տարի ընկերությունը կորցրել է իր շուկայական կապիտալիզացիայի 99%-ը: Նրա բաժնետոմսերը վերականգնվել են Ճապոնիայում լայնաշերտ ցանցեր ստեղծելու ջանքերի շնորհիվ, երբ երկրում վաճառվեցին առաջին iPhone-ները և սկսեցին ներդրումներ կատարել աշխարհի խոշորագույն ստարտափներում:
Սակայն ընկերության բաժնետոմսերը կրկին անկում են ապրել 2021 թվականին, երբ Պեկինը տեխնոլոգիական ընկերությունների նկատմամբ մի շարք ճնշումներ կիրառեց:
Բաժանորդագրվեք մեր ալիքին Telegram-ում
