Որքան տորթ և խմորեղեն են թխում գործարաններն ամեն օր

Մոսկվայում սննդի ձեռնարկություններն ամեն օր թխում են ավելի քան 39.7 տոննա տորթեր և խմորեղեն:

Այս մասին ասել է Մոսկվայի ներդրումների և արդյունաբերական քաղաքականության վարչության (DIPP) ղեկավարը,- գրում է РИА Новости-ն։

Նա նշել է, որ Ռուսաստանի մայրաքաղաքում ներկայացված է սննդի ավելի քան 290 ձեռնարկություն, որտեղ արտադրում են միս, ձուկ, կաթնամթերք, բանջարեղեն, միրգ, հրուշակեղեն և հացաբուլկեղեն։

«2024 թվականի առաջին չորս ամիսներին, նախորդ տարվա նույն ժամանակահատվածի համեմատ, արտադրության ծավալներն աճել են գրեթե 2.6 անգամ կամ ավելի քան 14%-ով։ Ներկայումս սննդի արտադրությամբ զբաղվում է մոտ 120 ձեռնարկություն։ Մոսկվայում, դրանք օրական արտադրում են 39.7 տոննա խմորեղեն և տորթեր, իսկ տարեկան մոտ 14.3 հազար տոննա»,- ասել է նա։

Նշվում է, որ Մոսկվայում գործում է «Добрынинский» հրուշակեղենի գործարանը։ Այն զբաղվում է տորթերի, ռուլետների, խմորեղենի, թխվածքաբլիթների արտադրությամբ։ Ընկերության տեսականին ներառում է ավելի քան 150 ապրանք։

Բացի այդ, մոսկովյան սննդի արդյունաբերության խոշոր ձեռնարկությունների թվում են նաև «Черемушки» հացաբուլկեղենի ընկերությունը, «Коломенский» հացաբուլկեղեն և հրուշակեղեն արտադրող հոլդինգը և այլ ընկերություններ:

Մոսկվան զարգացած արդյունաբերությամբ քաղաք է, որտեղ կա ավելի քան 4.2 հազար սննդի ընկերություն։ Այնտեղ աշխատում է 725 հազար մարդ։ Ամեն տարի բացվում են 40-50 խոշոր և միջին ձեռնարկություններ, և մոտ 100 փոքր ձեռնարկություններ։