Հաքերային հարձակման թիրախը եղել է «CDK Global» ընկերությունը։ Վերջինս ծրագրային ապահովման արտադրությամբ է զբաղվում և մատակարարում է իր արտադրանքն ավտոսալոններին ԱՄՆ ողջ տարածքում։ «BlackSuit»-ի հաքերային հարձակման արդյունքում ավտոսալոնների աշխատակիցները ստիպված են եղել բոլոր գործարքներն իրականացնել ձեռքով,- գրում է Reuters-ը։
Նկատենք, որ հաքերային այս հարձակումը շարունակությունն է բազմաթիվ այլ հաքերային հարձակումների, որոնք իրականացնողները պահանջել են խոշոր ընկերություններից գումարներ իրավիճակը շտկելու համար։ Հաքերային այս խումբը ստեղծվել է 2023թ․ մայիսին։ Վերլուծաբանները կարծում են, որ հաքերները բավականին երիտասարդ են և նրանք բաժանվել են ավելի խոշոր հաքերային «RoyalLocker» խմբից, որը կապեր ունի ՌԴ հետ։
![](https://banksnews.am/wp-content/uploads/2024/05/converse-970x250-c360.webp)
Այնուամենայնիվ, BlackSuit խմբի հաքերներն այդքան էլ ագրեսիվ չեն, քան մյուս խմբավորումները։ Recorded Future ընկերության տվյալների համաձայն՝ BlackSuit հաքերային խումբը պատասխանատու է աշխարհում 95 ընկերության վրա կատարված հարձակումների համար։ Վերոնշյալ ընկերությունների զգալի մասը ամերիկյան ռեզիդենտներ են, սակայն կան ընկերություններ նաև Մեծ Բրիտանիայից և Կանադայից։
BlackSuit-ը զբաղվում է կրկնակի շորթմամբ, որը կիրբերտարածության մեջ նշանակում է հարձակման ենթարկված ընկերության գաղտնի տվյալների հափշտակում, համակարգերի արգելափակում, ինչպես նաև տեղեկատվության հնարավոր տարածման սպառնալիքների ներկայացում։
Բաժանորդագրվեք մեր ալիքին Telegram-ում