Բացօթյա ապօրինի առևտրի դեպքերը կանխելու նպատակով Երևանի քաղաքապետարանի առևտրի և ծառայությունների վարչությունը ՀՀ ՆԳՆ համապատասխան ստորաբաժանումների հետ համատեղ Ավան վարչական շրջանում ստուգայց է իրականացրել, հայտնում են Երևանի քաղաքապետարանից։
Առևտրային գործունեությամբ զբաղվող մի շարք քաղաքացիներ տուգանվել են, կազմվել են արձանագրություններ՝ սանիտարահիգիենիկ պայմանների խախտմամբ իրականացվող սննդամթերքի վաճառքի համար:
Երևանի քաղաքապետարանի հասարակական կարգի պահպանության ծառայության պետ Արամ Գյուլզադյանի խոսքով՝ շրջայցի արդյունքներով 2-3 տնտեսվարողի վրա արձանագրություն է կազմվել և առգրավվել է բավական մեծ քանակությամբ ապրանք։
«Տուգանվելով՝ մարդը հաջորդ օրը նույն տեմպով, նույն ոգով շարունակում է իր առևտուրը։ Պետք է չնախատեսված վայրում առևտուր իրականացնողների ապրանքն առգրավվի, որպեսզի Երևան քաղաքում խնդիրը լուծվի», – նշել է Գյուլզադյանը։
Մանրամասները՝ տեսանյութում։
Բաժանորդագրվեք մեր ալիքին Telegram-ում
