Կառավարության նիստում Լոռու և Տավուշի մարզերում մայիսի 25-26-ի հեղեղումների պատճառով հայտարարված աղետի գոտիների տարածքներում ագրոպարենային ոլորտում գործունեություն իրականացնող տնտեսավարողների աջակցության ծրագրի շրջանակում վարկի մարման ժամկետը երկարաձգելու, մայր գումարի կամ տոկոսադրույքի մարման համար լրացուցիչ արտոնյալ ժամկետ սահմանելու մասին որոշում կայացվեց։
Խոսքը այդ արտոնյալ ժամկետը մինչև մեկ տարի երկարաձգման մասին է:
Ֆինանսական կառույցը յուրաքանչյուր շահառուի համար վարկի մարման, կամ արտոնյալ ժամկետի երկարաձգման գնահատված արդյունքների վերաբերյալ 10-օրյա ժամկետում տեղեկացնում է Էկոնոմիկայի նախարարությանը։
Նախագծի ընդունումը հնարավորություն կտա ֆինանսական կառույցներին երկարաձգելուշահառուների վարկի մարման ժամկետը, ինչպես նաև վարկի մայր գումարի կամ տոկոսադրույքի մարման համար սահմանված արտոնյալ ժամկետը,և արդյունքում՝ դժվարին իրավիճակում հայտնված շահառուները հնարավորություն կունենան շարունակել օգտվել աջակցությունից, ծավալել գործունեություն և մարել վարկային պարտավորությունները։
Բաժանորդագրվեք մեր ալիքին Telegram-ում
