Փորձագետները կազմել են ուկրաինական ամենակայուն բանկերի վարկանիշը

Ուկրաինական «Մինֆին» տնտեսական պորտալը հրապարակել է ուկրաինական բանկերի կայունության եռամսյակային վարկանիշը։

Պորտալի տվյալներով՝ վարկանիշում օգտագործվել են բանկերի պաշտոնական հաշվետվությունների տվյալները 2022 թվականի հուլիսի 1-ի դրությամբ։

Վարկանիշը գլխավորում է Raiffeisen Bank-ը։ Սա օտարերկրյա կապիտալով ուկրաինական խոշորագույն բանկն է, իսկ մանրածախ բանկային շուկայում նա զբաղեցնում է երրորդ տեղը։

Երկրորդ տեղում Ukrsibbank-ն է։ Բանկի բաժնետոմսերի 60%-ը պատկանում է ֆրանսիական BNP Paribas ֆինանսական խմբին, մնացած 40%-ը՝ Վերակառուցման և զարգացման եվրոպական բանկին։

Վարկանիշում երրորդ տեղը զբաղեցրել է Credit Agricole Bank-ը, որը 100 %-ով պատկանում է ֆրանսիական համանուն ընկերությանը։

Չորրորդ տեղը զբաղեցնում է պետական ​​PrivatBank-ը։ Այն ուկրաինական խոշորագույն բանկն է, և Ուկրաինայում մանրածախ բանկային շուկայի առաջատարը։

Լավագույն հնգյակ է մտել նաև OTP Bank-ը։ Նրա սեփականատերը հունգարական համանուն բանկն է։