Ռուսաստանի դաշնային հակամենաշնորհային ծառայությունը (FAS) տուգանել է Yandex-ին ոչ պատշաճ գովազդ տարածելու համար, – հայտնում է РБК-ն։
Yandex-ի դեմ բողոքը ստացվել է Work 5 գովազդի պատճառով, որն առաջարկում է էսսեներ, ատենախոսություններ և կուրսային աշխատանքներ գրելու ծառայություններ։
Դաշնային հակամենաշնորհային ծառայությունից հայտնել են, որ պետական, գիտական հավաստագրման կամ քննությունների համար էսսեներ, ատենախոսություններ և կուրսային աշխատանքներ գրելու ծառայությունների գովազդը համարվում է անօրինական։
Դաշնային հակամենաշնորհային ծառայությունը գովազդը ճանաչել է ոչ պատշաճ և վարչական օրենսգրքի համաձայն տուգանել է «Յանդեքս» ՍՊԸ-ին։ Տուգանքի չափը, սակայն, դեռևս հայտնի չէ։
Նշվում է, որ 2023 թվականին էլ դաշնային հակամենաշնորհային ծառայությունը գործ է հարուցել Yandex-ի դեմ՝ ծառայությունների գների մասին կեղծ տեղեկություններով գովազդ տարածելու համար։
Բաժանորդագրվեք մեր ալիքին Telegram-ում
