Չեխիայում հայտարարել են նավթի պաշարների կրճատման մասին

Չեխիայի պահեստարաններում նավթի պաշարները նվազել են 90 օրվա նվազագույնից, այժմ դրանք բավարար են 87,77 օրվա համար: ПРАЙМ-ի փոխանցմամբ, այս մասին հայտնել է Պետական պահուստի ​​դեպարտամենտի ղեկավար Պավել Շվագրը։ Նա հավելել է, որ նման իրավիճակի պատճառը հումքի այդ տեսակի մատակարարի փաստացի բացակայությունն է։

Նա նշել է, որ երկու անգամ մրցույթ է հայտարարվել՝ հուլիս-օգոստոս ամիսներին, սակայն չի գտնվել մատակարար, հիմա պատրաստվում է երրորդը։

Շվագրի խոսքով՝ մոտ 52,2 մլն դոլար արժողությամբ նավթի գնման պայմանագիրը կրկին կկնքվի առաջիկա մի քանի օրվա ընթացքում։ Ըստ մրցութային փաստաթղթերի՝ խոսքը 75 հազար տոննա նավթի մասին է։