Սինգապուրն աշխարհի հազվագյուտ երկրներից է, որտեղ հնարավոր է եղել հասնել բարգավաճման աննախադեպ մակարդակի՝ ազդեցիկ իշխանության նպատակային քայլերի, խելամիտ և արդյունավետ քաղաքականության, ինչպես նաև տեղացիների տքնաջան աշխատանքի արդյունքում: Գրում է Y-Axis-ը։
Սակայն, այսօր Սինգապուրը ևս կրում է թագավարակի, տարածաշրջանային և գլոբալ աշխարհաքաղաքական և տնտեսական լարվածությունների բացասական հետևանքները: Տնտեսությանը նոր թափ հաղորդելու և վերականգնման նոր ճանապարհներ բացելու նպատակով վարչապետը որոշել է բացել երկիրը հատկապես օտարերկրյա ուղեղների համար: Դրա համար ներդվել է «ONE pass» վիզան, որը հնարավորություն է տալիս աշխատել Սինգապուրում հինգ տարի: Ներքին աշխատողների իրավունքները պաշտպանելու քաղաքականությունը մեծապես փոքրացրել էր օտարերկյա տաղանդների մուտքը երկիր, մինչդեռ այս վիզան կրկին հրապուրիչ կդարձնի Սինգապուրը մասնագիտական բարձր որակավորում ունեցող մարդկանց համար:
Սինգապուրն իսկապես կարիք ունի տաղանդավոր մարդկանց ներգրավման, քանի որ նպատակներ կան զարկ տալու երկրում նորարարությունների զարգացմանը, ինչպես նաև արտադրողականության բարձրացմանը: Սինգապուրի իշխանությունները ծրագրել են երկրի արտահանման ծավալները հասցնել 712 մլրդ ԱՄՆ դոլարի մինչև 2030 թ․-ը:
Բաժանորդագրվեք մեր ալիքին Telegram-ում
